Rohit Pawar : अखेर मफलर मॅनचा पदार्फाश.! रोहित पवारांनी घेतले थेट CM फडणवीसांचे नाव
मफलर मॅन कोण याची मोठी चर्चा राजकीय वर्तुळात सुरू होती. अखेर रोहित पवार यांनी अजित पवार यांच्या अपघात किंवा घातपातामध्ये थेट मुख्यमंत्री देवेंद्र फडणवीस यांचे नाव घेतल्याने खळबळ उडाली आहे.

Rohit Pawar – उपमुख्यमंत्री अजित पवार यांचे 28 जानेवारी 2026 रोजी अपघाती निधन झाले. त्यानंतर आमदार रोहित पवार यांनी विमान अपघातामागे घातपात असल्याचा संशय व्यक्त केला होता. महत्त्वाचे म्हणजे दोन दिवसांपूर्वी मुंबईतील यशवंतराव चव्हाण सेंटर परिसर आणि पुणे येथे मफलरचे चित्र असलेले, पण नावाशिवायचे रहस्यमयी पोस्टर्स झळकले होते.
त्यानंतर हा मफलर मॅन कोण याची मोठी चर्चा राजकीय वर्तुळात सुरू होती. अखेर रोहित पवार यांनी अजित पवार यांच्या अपघात किंवा घातपातामध्ये थेट मुख्यमंत्री देवेंद्र फडणवीस यांचे नाव घेतल्याने खळबळ उडाली आहे.
रोहित पवार यांनी आज पत्रकार परिषदेत देवेंद्र फडणवीस यांचा जो फोटो दाखवला त्यात सारखाच मफलर दिसत आहे. देवेंद्र फडणवीस आणि रोहित सिंहचा फोटो दाखवल्यानंतर रोहित पवार म्हणाले, जर मी माझ्या काकाला (अजित पवार) न्याय देऊ शकत नसेल आणि तडजोड करत असेल तर मी सामान्यांना न्याय देऊ शकत नाही.
हे सगळं समोर आल्यानंतर मला कदाचित राजकीय परिणामांना समोर जाव लागू शकतं, पण मला त्याची चिंता नाही, असे त्यांनी स्पष्ट केले. तसेच मी ज्या व्यक्तीचे (देवेंद्र फडणवीस) नाव घेतोय, ती अजितदादांच्या अपघातामागे आहे, असे मी म्हणत नाही. पण संशयाच्या भोवऱ्यात आलेल्या कंपनीला ही व्यक्ती नक्कीच वाचवते आहे, असा दावा त्यांनी यावेळी केला.
महाराष्ट्रामध्ये ज्या दिवशी निवडणुकीचा निकाल लागणार होता, त्याच दिवशी देवेंद्र फडणवीस हे जयपूरला जाऊन त्या लग्नात फक्त दीडतासांसाठी सहभागी झाले होते. आता माझ्या एखाद्या भावाचं किंवा बहिणींच लग्न असतं तर मी गेलो नसतो.
कारण निवडणुकीमुळे माझ्यावर प्रेशर असतं, परंतु तरी देखील देवेंद्र फडणवीस तिथे का गेले? तर कदाचित संबंध हे फार महत्त्वपूर्ण आणि जवळचे होते, असा दावा करत रोहित पवार यांनी हिंमत असेल तर व्हीएसआर आणि व्ही. के. सिंहवर यांच्यावर कारवाई करा, अशी मागणी केली.
तसेच या सरकारने व्ही के सिंह आणि त्याच्या कंपनीला जरी वाचवण्याचा प्रयत्न केला असला तरी आमचं सरकार आलं तर त्याला सोडणार नाही. त्यांचा हा पुतण्या कुणालाही सोडणार नाही, असा इशाराही त्यांनी दिला.






