Tukaram Mundhe : तुकाराम मुंढेंची पुन्हा बदली? मुख्यमंत्र्यांना थेट इशारा
Tukaram Mundhe : आपल्या कडक आणि तडजोड न करणाऱ्या कार्यपद्धतीमुळे नेहमीच चर्चेत राहणारे सनदी अधिकारी तुकाराम मुंढे यांच्या संभाव्य बदलीच्या चर्चांनी पुन्हा एकदा राज्यात मोठे वादळ निर्माण केले आहे.
Tukaram Mundhe : अन्न व औषध प्रशासन (एफडीए) आयुक्तपदी नियुक्ती झाल्यापासून तुकाराम मुंढे यांनी राज्यभर भेसळखोर आणि नियमभंग करणाऱ्यांविरोधात धडक कारवाई सुरू केली आहे.Tukaram Mundhe)
अवघ्या काही दिवसांत कोट्यवधी रुपयांचा भेसळयुक्त माल जप्त करण्यात आल्याने अनेक व्यावसायिकांमध्ये खळबळ उडाली आहे. अशातच त्यांच्या संभाव्य बदलीच्या चर्चांना वेग आला असून, अखिल भारतीय ग्राहक पंचायतीने सरकारला थेट इशारा दिला आहे.Tukaram Mundhe)
“मुंढेंची बदली करू नका” (Tukaram Mundhe)
अखिल भारतीय ग्राहक पंचायतीचे केंद्रीय कार्यकारिणी सदस्य विजय सागर यांनी सांगितले की, तुकाराम मुंढे यांची कारवाई ग्राहकांच्या हिताची असून त्यांना पूर्ण पाठिंबा आहे. व्यापारी वर्गाकडून त्यांच्या बदलीसाठी सरकारवर दबाव आणला जात असल्याची चर्चा आहे. मात्र सरकारने अशा कोणत्याही दबावाला बळी पडू नये, अशी मागणी त्यांनी केली.
यासाठी राज्यभर जनजागृती मोहीम, स्वाक्षरी अभियान राबविण्यात येणार असून मुख्यमंत्री देवेंद्र फडणवीस यांना यासंदर्भात पत्रही देण्यात येणार असल्याचे त्यांनी स्पष्ट केले. तसेच या विषयावर चर्चा करण्यासाठी मुंढे यांची मंत्रालयात भेट घेणार असल्याची माहितीही त्यांनी दिली. (Tukaram Mundhe)
एफडीएच्या कारवायांना वेग (Tukaram Mundhe)
तुकाराम मुंढे यांनी पदभार स्वीकारल्यानंतर एफडीएने राज्यभर मोठ्या प्रमाणावर कारवाया सुरू केल्या आहेत. यापूर्वी मनुष्यबळाच्या कमतरतेचे कारण देत मर्यादित कारवाया करणारा विभाग आता रोज छापे टाकत असल्याने अनेक प्रश्न उपस्थित होत आहेत. भेसळयुक्त अन्नपदार्थ, बनावट औषधे आणि नियमांचे उल्लंघन करणाऱ्यांवर कठोर कारवाई करण्यात येत आहे. (Tukaram Mundhe)
Tukaram Mundhe : तुकाराम मुंढेंची पुन्हा बदली? मुख्यमंत्र्यांना थेट इशारा
२१ वर्षांत तब्बल २५ बदल्या (Tukaram Mundhe)
तुकाराम मुंढे यांच्या प्रशासकीय कारकिर्दीत वारंवार बदल्या झाल्याची नोंद आहे. गेल्या २१ वर्षांत त्यांची तब्बल २५ वेळा बदली झाली आहे. अनेकदा एका पदावरील कार्यकाळ पूर्ण होण्यापूर्वीच त्यांची बदली करण्यात आली. त्यांच्या कडक आणि तडजोड न करणाऱ्या कार्यपद्धतीमुळे अनेकदा वाद निर्माण झाले असून, त्यातूनच बदल्यांचे निर्णय झाल्याची चर्चा कायम राहिली आहे. (Tukaram Mundhe)
दरम्यान, एफडीएमधील सध्याच्या धडक कारवायांच्या पार्श्वभूमीवर त्यांच्या बदलीच्या चर्चांनी जोर धरला असला, तरी सरकारकडून याबाबत कोणतीही अधिकृत घोषणा करण्यात आलेली नाही. (Tukaram Mundhe)
