Tukaram Mundhe : राज्य सरकारने विद्यार्थ्यांच्या आरोग्याच्या दृष्टीने महत्त्वाचा निर्णय घेत शाळांच्या ५०० मीटर परिसरात ‘स्टिंग’ एनर्जी ड्रिंकच्या विक्रीवर बंदी घातली आहे. पावसाळी अधिवेशनादरम्यान विधानसभेत उपस्थित झालेल्या चर्चेनंतर अन्न व औषध प्रशासन मंत्री नरहरी झिरवळ यांनी यासंदर्भात निर्देश दिले.

श्रीगोंदा-नगरचे भाजप आमदार विक्रम पाचपुते यांनी विधानसभेत स्टिंग एनर्जी ड्रिंकच्या विक्रीचा मुद्दा उपस्थित केला होता. या पेयामुळे मुलांच्या आरोग्यावर दुष्परिणाम होत असल्याचा दावा त्यांनी केला. लहान मुले आणि गर्भवती महिलांसाठी हे पेय योग्य नसल्याचा इशारा दिलेला असतानाही शाळांच्या परिसरात त्याची विक्री होत असल्याबद्दल त्यांनी चिंता व्यक्त केली.

“दारूपेक्षाही स्टिंग एनर्जी ड्रिंक अधिक घातक आहे. त्यामुळे शालेय विद्यार्थ्यांना त्याची सवय लागू नये, यासाठी तातडीने उपाययोजना करणे आवश्यक आहे,” असे त्यांनी सभागृहात सांगितले. यावर उत्तर देताना अन्न व औषध प्रशासन मंत्री नरहरी झिरवळ यांनी शाळांच्या ५०० मीटर परिसरात अंमली पदार्थांसोबतच स्टिंग एनर्जी ड्रिंकच्या विक्रीवरही बंदी घालण्यात येईल, असे आश्वासन दिले.   (Tukaram Mundhe)

 

 

दरम्यान, स्टिंग एनर्जी ड्रिंकच्या मुद्द्यावर चर्चा सुरू असताना अन्न व औषध प्रशासनाचे आयुक्त तुकाराम मुंढे विधानभवनात उपस्थित होते. त्यांच्या नेतृत्वाखाली राज्यभर प्रतिबंधित गुटखा, पानमसाला आणि अन्न सुरक्षा नियमांचे उल्लंघन करणाऱ्या आस्थापनांविरोधात विशेष मोहीम सुरू आहे.  (Tukaram Mundhe)

हेही वाचा : Mithila Palkar: गोल्डन साडीत मिथिला पालकरची जादू; फोटोंनी सोशल मीडियावर घातला धुमाकूळ

आमदार राहुल कुल यांच्याकडून चौकशीची मागणी

याच चर्चेदरम्यान भाजप आमदार राहुल कुल यांनी शाळांच्या परिसरात विविध फ्लेवर्ड ड्रिंक्सच्या नावाखाली विकल्या जाणाऱ्या उत्पादनांची, फ्लेवर पानाच्या आडून होणाऱ्या अंमली पदार्थांच्या विक्रीची तसेच फ्लेवर्ड मिल्कमध्ये होणाऱ्या भेसळीचीही चौकशी करण्याची मागणी केली. यावर या सर्व बाबींची तपासणी सुरू असल्याची माहिती मंत्री नरहरी झिरवळ यांनी सभागृहात दिली.

तुकाराम मुंढे विधानभवनात

अन्न व औषध विभागाच्या आयुक्त पदाचा कारभार हाती घेतल्यानंतर तुकाराम मुंढे धडाकेबाज निर्णय घेताना दिसत आहेत. त्यांच्या कारवाईमुळे भेसळखोरांचे धाबे दाणे दणाणले आहेत. तर नागरिकांकडून त्यांच्या कारवाईचे कौतुक केले जात आहे. आतापर्यंत अनेक ठिकाणी धडक मोहिमा राबवत त्यांनी कारवाई केली आहे. अशातच विधीमंडळाचे अधिवेशन मुंबईत सुरू असून, ते थेट विधानभवनात दाखल झाल्याने अनेकांनी आश्चर्य व्यक्त केले. तुकाराम मुंढे यांनी निळ्या रंगाचा शर्ट आणि हातात फायली घेऊन विधानभवन आवारात दमदार एन्ट्री घेतली. त्यांच्या या एन्ट्रीची जोरदार चर्चा सुरू आहे.

हेही वाचा : Uddhav Thackeray : ‘ मी अमित शाहांबरोबर अयोध्येला जाणार’; उद्धव ठाकरेंचं सर्वांत मोठं विधान