trump warns iran: अमेरिकेचे अध्यक्ष डोनाल्ड ट्रम्प यांनी रखडलेल्या अणुचर्चांबाबत इराणला कठोर इशारा दिला आहे. ट्रम्प यांनी त्यांच्या सोशल मीडियावरून स्पष्ट शब्दांत इराणला इशारा दिला आहे. सोशल मीडियावरील पोस्टमध्ये ट्रम्प यांनी, “इराणसाठी वेळ झपाट्याने संपत चालली आहे. त्यांनी तातडीने निर्णय घेतला नाही, तर त्यांच्या हातात काहीही उरणार नाही. हा अत्यंत निर्णायक क्षण आहे.”असे म्हणत धमकीवजा इशारा दिला आहे. (trump warns iran) ट्रम्प यांची ही प्रतिक्रिया अशा वेळी समोर आली आहे, जेव्हा इराणी माध्यमांनी अमेरिका आणि इराण यांच्यातील अणुचर्चांशी संबंधित कथित अटी सार्वजनिक केल्या आहेत. समोर आलेल्या माहितीनुसार, अमेरिकेने इराणसमोर काही महत्त्वाच्या अटी ठेवल्या आहेत. त्यामध्ये सुमारे ४०० किलो समृद्ध युरेनियम अमेरिकेकडे सुपूर्द करणे, अणुकार्यक्रम एका मर्यादित केंद्रापुरता ठेवणे आणि युद्धभरपाईची मागणी मागे घेणे यांचा समावेश आहे. याशिवाय, इराणची गोठवलेली मालमत्ता सध्या मुक्त करण्यात येऊ नये आणि सर्व वाटाघाटी पूर्ण होईपर्यंत संघर्ष संपल्याचे मानले जाणार नाही, अशीही अमेरिकेची भूमिका असल्याचे समोर आले आहे. (trump warns iran) दरम्यान, इराणनेही चर्चेत सहभागी होण्यासाठी काही अटी मांडल्या आहेत. तेहरानने प्रदेशातील लष्करी कारवाया थांबवणे, आर्थिक निर्बंध हटवणे आणि गोठवलेली मालमत्ता मुक्त करणे, या प्रमुख मागण्या केल्या आहेत. तसेच युद्धामुळे झालेल्या नुकसानीची भरपाई आणि होर्मुझ सामुद्रधुनीवरील आपल्या नियंत्रणाला मान्यता देण्याची मागणीही इराणने केली आहे. (trump warns iran) trump warns iran: इराणचे अध्यक्ष मसूद पेझेश्कियन यांनी “अमेरिका आणि इस्रायलवर आरोप करत, “सशस्त्र गटांच्या माध्यमातून इराणला अस्थिर करण्याचा प्रयत्न करण्यात आला. मात्र, शेजारील देशांनी आपल्या भूमीचा वापर होऊ दिला नाही, त्यामुळे हा प्रयत्न अपयशी ठरल्याचे त्यांनी सांगितले. एप्रिलमध्ये पाकिस्तानच्या मध्यस्थीने शस्त्रसंधी लागू झाली होती, मात्र परिसरातील तणाव अद्याप पूर्णपणे कमी झालेला नाही. हिंसाचारात काही प्रमाणात घट झाली असली तरी, दोन्ही बाजूंमध्ये अद्याप कोणत्याही व्यापक करारावर एकमत झालेले नाही. (trump warns iran) यापूर्वी ट्रम्प यांनीही शस्त्रसंधी पाकिस्तानच्या विनंतीवरूनच झाल्याचा दावा केला होता. “दुसऱ्या देशाच्या विनंतीवरून आम्ही शस्त्रसंधीचा निर्णय घेतला. पाकिस्तानसाठी आम्ही हे पाऊल उचलले,” असे त्यांनी म्हटले होते. दरम्यान, गेल्या आठवड्यापासून अमेरिका आणि इराण यांच्यातील चर्चा ठप्प झाल्या आहेत. दोन्ही देशांनी एकमेकांचे प्रस्ताव फेटाळल्यामुळे वाटाघाटींमध्ये कोणतीही प्रगती झालेली नाही. रिपब्लिकन सिनेटर लिंडसे ग्रॅहम यांनीही पाकिस्तानवर तीव्र टीका करत अमेरिका-इराण चर्चेतील मध्यस्थी भूमिकेवर प्रश्नचिन्ह उपस्थित केले. “मला पाकिस्तानवर अजिबात विश्वास नाही,” असे स्पष्टपणे सांगत त्यांनी वॉशिंग्टनने इराणसोबतच्या चर्चेसाठी पर्यायी मध्यस्थाचा विचार करावा, असे मत व्यक्त केले.
