Trump Tariff War । अमेरिकेचे अध्यक्ष डोनाल्ड ट्रम्प यांनी भारतासोबत झालेली टॅरिफ चर्चा चांगल्या प्रकारे झाली असल्याचे सांगण्यात येत आहे. अमेरिका भारतासोबत व्यापार करार करेल असा ट्रम्प  यांनी विश्वास व्यक्त केला आहे. ट्रम्प यांनी भारतासह जगभरातील देशांवर परस्पर कर लादण्याची घोषणा केली आहे. ट्रम्प यांनी भारतावर २६% कर लादण्याची घोषणा केली आहे, जी सध्या ९० दिवसांसाठी स्थगित आहे. जागतिक बाजारपेठेप्रमाणेच, भारतीय बाजारपेठही टॅरिफच्या घोषणेमुळे अशांत आहे आणि अशा परिस्थितीत, ट्रम्प यांनी भारताबद्दल केलेली टिप्पणी दिलासा देणारी असल्याचे म्हटले जात आहे.

व्हाईट हाऊसबाहेर माध्यमांशी बोलताना  ट्रम्प यांनी, ‘मला वाटते की आपण भारतासोबत एक करार करू. तुम्हाला माहिती आहेच की, पंतप्रधान (नरेंद्र मोदी) तीन आठवड्यांपूर्वी इथे आले होते आणि त्यांना एक करार करायचा आहे.

फेब्रुवारीच्या अखेरीस पंतप्रधान मोदी अमेरिकेला भेट देऊन व्यापार करारावर दोन्ही नेत्यांमध्ये चर्चा झाली. अमेरिकेचे ट्रेझरी सेक्रेटरी स्कॉट बेसेंट यांनी अमेरिका भारतासोबत “व्यापार कराराच्या अगदी जवळ” असल्याचे म्हटल्यानंतर अध्यक्ष ट्रम्प यांचे हे वक्तव्य आले.

अमेरिकेचे उपाध्यक्ष जेडी व्हान्स गेल्या आठवड्यात भारत दौऱ्यावर आले होते आणि त्यादरम्यान त्यांनी पंतप्रधान मोदींची भेट घेतली. या बैठकीबद्दल बेझंट म्हणाले की, दोन्ही नेत्यांमध्ये व्यापार कराराबाबत खूप चांगली चर्चा झाली, त्यानंतर भारताबाबत काही घोषणा ऐकू येतील. ते म्हणाले, ‘भारतासारख्या देशांकडे आधीच टॅरिफ माहिती आहे, त्यामुळे त्यांच्याशी वाटाघाटी करणे खूप सोपे आहे.’ जर भारत आणि अमेरिका यांच्यात व्यापार करार झाला तर भारताला शुल्कात सवलत मिळण्याची अपेक्षा आहे.

अमेरिकेव्यतिरिक्त, भारतालाही टॅरिफ कपातीचा फायदा  Trump Tariff War । 

अमेरिकेतील एका या वृत्तवाहिनीशी बोलताना, शिकागो विद्यापीठाच्या बूथ स्कूल ऑफ बिझनेसमधील अर्थशास्त्रज्ञ आणि वित्त प्राध्यापक रघुराम राजन म्हणाले, “जर भारताने शुल्क कमी करण्यासाठी वाटाघाटी केल्या तर त्याचा खूप फायदा होईल.” यामुळे अनेक कंपन्या भारताकडे एका नवीन दृष्टिकोनातून पाहतील, विशेषतः भारताच्या मोठ्या देशांतर्गत बाजारपेठेचा विचार करता.

अमेरिकेचे वाणिज्य सचिव हॉवर्ड लुटनिक यांनीही अमेरिकेने भारतासोबत व्यापार करार केल्याचे संकेत दिले आहेत. त्यांनी सांगितले की, या कराराची घोषणा करण्यापूर्वी अमेरिका भारत सरकारकडून अंतिम मंजुरीची वाट पाहत आहे. वहिनीला दिलेल्या मुलाखतीत ते म्हणाले, “करार अंतिम झाला आहे परंतु तो मंजूर करण्यापूर्वी आम्ही त्यांच्या (भारतीय) पंतप्रधान आणि संसदेच्या मंजुरीची वाट पाहत आहोत.”

भारत-अमेरिका व्यापार करार Trump Tariff War । 

वृत्तसंस्था रॉयटर्सच्या वृत्तानुसार, प्रस्तावित द्विपक्षीय व्यापार कराराचा भाग म्हणून भारताने अमेरिकेला “फॉरवर्ड मोस्ट फेवर्ड नेशन” कलम देऊ केले आहे. या प्रकरणाशी परिचित असलेल्या दोन अधिकाऱ्यांचा हवाला देत, अहवालात म्हटले आहे की भारताने मागील व्यापार चर्चेत हे कलम दिले नव्हते.

करारात या कलमाचा समावेश केल्याने, हा करार भविष्यासाठी सुरक्षित झाला आहे कारण त्यामुळे अमेरिकेचा दुसरा कोणताही व्यापारी भागीदार यापेक्षा चांगल्या अटी देऊ शकणार नाही याची खात्री होईल.

याशिवाय, भारताने व्यापाराच्या बाबतीत अमेरिकेला अनेक ऑफर आणि सवलती दिल्या आहेत. यावरून असे दिसून येते की तो अमेरिकेसोबत व्यापार करारासाठी चीन, कॅनडा आणि युरोपियन युनियनसह अमेरिकेच्या प्रमुख व्यापारी भागीदारांपेक्षा जास्त उत्सुक आहे. मात्र , अहवालात म्हटले आहे की व्यापार करारात, भारताला अशी हमी आवश्यक असेल की अमेरिकन बाजारपेठेत जिथे चिनी वस्तूंचा पुरवठा कमी होत आहे ती रिक्त जागा भारताला दिली जावी. आणि भारतीय वस्तूंनी चिनी वस्तूंची जागा घेतली पाहिजे.

ट्रम्प यांनी परस्पर करांवर दिलेली ९० दिवसांची स्थगिती जुलैमध्ये संपत आहे. ही अंतिम मुदत संपण्यापूर्वी, अमेरिका भारतासह त्याच्या प्रमुख व्यापारी भागीदारांसोबत व्यापार करार करू इच्छिते.