नवी दिल्ली – भाजप कडून पश्चिम बंगाल मध्ये केंद्रीय यंत्रणांचा वापर करून विरोधी पक्षांना धमकावण्याचे काम केले जात आहे त्याबद्दल तक्रार करण्यासाठी तृणमूल काँग्रेसचे १० सदस्यीय शिष्टमंडळ नवी दिल्लीत निवडणूक आयोगाच्या अधिकाऱ्यांना भेटणार आहे. शिष्टमंडळाचे नेतृत्व टीएमसीचे राज्यसभेतील नेते डेरेक ओब्रायन करणार असून खासदार डोला सेन हे निवडणूक आयोगाच्या पूर्ण खंडपीठाला भेटणार आहेत. भाजप आमच्या विरोधात केंद्रीय एजन्सींचा गैरवापर करत आहे. एनआयए, ईडी आणि सीबीआय ज्या प्रकारे काम करत आहे आणि टीएमसी नेत्यांना लक्ष्य करत आहे ते लज्जास्पद आहे. आम्ही निवडणूक आयोगाला सर्व राजकीय पक्षांसाठी समतल क्षेत्र सुनिश्चित करण्याची विनंती करू, असे सेन यांनी विमानतळावर पत्रकारांना सांगितले. टीएमसीने यापुर्वी राष्ट्रीय तपास एजन्सी (एनआयए) आणि भाजप यांच्यात “अपवित्र युती” झाल्याचा आरोप केला, त्यामुळे एनआय ही यंत्रणा बंगाल मध्ये तृणमुलच्या नेत्यांवर आणि कार्यकर्त्यांवर कारवाई करीत आहे असे या पक्षाच्या नेत्यांनी म्हटले आहे.
