पुणे – दीपोत्सवानंतर पुणेकरांचा परतीचा प्रवास मोठ्या प्रमाणावर सुरू असून, त्यातच हवामान विभागाने ‘येलो अलर्ट’ जारी केल्याने शहरातील वाहतुकीवर परिणाम होण्याची शक्यता व्यक्त करण्यात आली आहे. पुणे शहर वाहतूक शाखेने आज संध्याकाळी ट्रॅफिक ॲडव्हायझरी जारी केली आहे.

शासकीय वेधशाळा, पुणे यांनी पुढील काही तासांत पावसाची शक्यता वर्तविली आहे. त्यामुळे रस्ते ओले व घसरडे राहण्याची शक्यता असून, वाहतुकीचा वेग मंदावू शकतो.

दीपोत्सवानंतर पुण्यात रिटर्न क्राऊड वाढले असून शहरातील प्रमुख रस्त्यांवर वाहनांची संख्या लक्षणीयरीत्या वाढली आहे. त्यामुळे अनेक ठिकाणी वाहतूक संथ गतीने सुरू आहे.

वाहतूक प्रभावित होणारे प्रमुख मार्ग :

वाहतूक शाखेच्या माहितीनुसार खालील मार्गांवर गर्दी वाढण्याची शक्यता आहे :-

सोलापूर – पुणे रोड

सातारा – कात्रज रोड

अहिल्यानगर – पुणे रोड

कात्रज ते वडगाव ब्रिज परिसर

वाहनचालकांसाठी सूचना :-

प्रवासापूर्वी रहदारीची स्थिती तपासा व नियोजन करा.

शक्य असल्यास सार्वजनिक वाहतूक प्रणालीचा (बस, मेट्रो इ.) वापर करा.

पर्यायी मार्गांचा वापर करण्याचा सल्ला देण्यात आला आहे.

पावसामुळे रस्ते घसरडे असू शकतात — त्यामुळे वेग मर्यादेचे पालन करा.

वाहनांचे लाइट्स व वायपर्स कार्यरत ठेवा.

अचानक ब्रेक न लावता सुरक्षित अंतर राखा.

वाहतुकीचे नियम पाळून सुरक्षित प्रवास करा.

“सुरक्षित प्रवास हीच आमची प्राथमिकता आहे.” – हिम्मत जाधव , पोलीस उपआयुक्त (वाहतूक शाखा)