Sikkim tourist – सिक्कीममध्ये मुसळधार हिमवृष्टी आणि कडाक्याच्या थंडीत, भारतीय लष्कराने पुन्हा एकदा आपले शौर्य आणि माणुसकीचे प्रदर्शन केले आहे.

लष्करी जवानांनी पूर्व सिक्कीममधील नाथुला, बाबा धाम (शेरेथांग) आणि चांगू (त्सोमगो) सरोवराच्या परिसरात हिमवृष्टीमुळे अडकलेल्या ९०० हून अधिक स्थानिक आणि पर्यटकांना सुरक्षितपणे बाहेर काढले.

प्रतिकूल हवामान आणि गोठवणाऱ्या थंडीचा सामना करत, जवानांनी मदत आणि बचाव कार्य केले आणि लोकांना सुरक्षित स्थळी पोहोचवले.

भारतीय लष्कराच्या त्रिशक्ती कॉर्प्सच्या जवानांनी बर्फात अडकलेल्या २५० हूननाधिक पर्यटकांच्या ३०० हून अधिक वाहनांना सुरक्षितपणे दुसऱ्या मार्गाने वळवले. मुसळधार हिमवृष्टीमुळे रस्त्यावरील वाहतूक अवघड झाली होती.

अशा परिस्थितीत, लष्करी जवानांनी पुढाकार घेतला आणि प्रत्येक वाहनाला सुरक्षित स्थळी पोहोचण्यास मदत केली. लष्कराने आपली जबाबदारी केवळ अडकलेल्या लोकांना बाहेर काढण्यापुरती मर्यादित ठेवली नाही.

सैनिकांनी गरजू लोकांना वैद्यकीय मदत, गरमागरम जेवण आणि निवारा पुरवला. हवामानातील अचानक बदल आणि झपाट्याने घसरलेल्या तापमानाला प्रतिसाद म्हणून, लोकांना गोठवणाऱ्या थंडीपासून वाचवण्यासाठी लष्करी छावण्यांमध्ये तात्पुरती व्यवस्था करण्यात आली होती.