Crime news : केंद्रीय मंत्री बंदी संजय कुमार यांचा मुलगा बंदी साई भगीरथ याला शनिवारी हैदराबाद पोलिसांनी अटक केली आहे. त्याच्याविरोधात अल्पवयीन मुलीच्या लैंगिक शोषणाप्रकरणी पॉक्सो कायद्यांतर्गत गुन्हा दाखल करण्यात आला आहे. (Crime news)

मिळालेल्या माहितीनुसार, १७ वर्षीय पीडित मुलीच्या आईने बंदी साई भगीरथविरोधात तक्रार दाखल केली होती. या तक्रारीच्या आधारे ८ मे रोजी भारतीय न्याय संहिता (BNS) आणि पॉक्सो कायद्यांतर्गत विविध कलमान्वये गुन्हा नोंदवण्यात आला होता. (Crime news)

सुरुवातीला या प्रकरणात चौकशीसाठी भगीरथ स्वतः पोलिसांसमोर हजर झाल्याचा दावा करण्यात आला होता. मात्र, पोलिसांनी त्याला अधिकृतपणे अटक करण्यात आल्याचे स्पष्ट केले आहे. (Crime news )

दरम्यान, अटकेपूर्वी केंद्रीय मंत्री बंदी संजय कुमार यांनीही या प्रकरणावर प्रतिक्रिया दिली होती. “मुलाला पोलिस तपासात सहकार्य करण्यास आणि स्वतःहून पोलिसांसमोर हजर राहण्यास सांगितले आहे,” असे त्यांनी म्हटले होते. (Crime news)

तक्रार दाखल झाल्यानंतरपासूनच मुलाला तपासात पूर्ण सहकार्य करण्याच्या सूचना दिल्याचेही बंदी संजय कुमार यांनी स्पष्ट केले होते. (Crime news)