Parth Pawar : पार्थ पवार यांच्या लग्नाचा मुहूर्त ठरला! होणाऱ्या पत्नीबाबतची मोठी माहिती समोर; कायनात या काश्मिरी नव्हे तर…
Parth Pawar : साखरपुडा अत्यंत साध्या पद्धताने मोजक्याच लोकांच्या उपस्थित पार पडणार असल्याची माहिती समोर आली आहे.
Date of Parth Pawar’s wedding revealed : खासदार सुप्रिया सुळे यांची लेक रेवती सुळे यांचं मोठ्या थाटात मुंबईतील पंचतारांकित हॉटेलमध्ये लग्नसोहळा पार पडला होता. यानंतर आता पुन्हा एकदा पवार कुटुंबात सनई चौघडे वाजणार आहेत. दिवंगत नेते अजित पवार यांचे सुपुत्र खासदार पार्थ पवार यांच्या साखरपुड्यानंतर आता लग्नाची तारीख समोर आली आहे.
पार्थ पवार यांच्या विवाहासंदर्भातील धार्मिक शंकांचे शंकराचार्यांकडून निरसन करण्यात आले आहे. यानंतर लग्नाची अधिकृत तारीख जाहीर करण्यात आली आहे. जुलै महिन्याच्या २९ तारखेला पार्थ पवार आणि कायनात धार यांचा साखरपुडा पार पडणार असून, त्यानंतर विवाह होणार आहे. साखपुडा अत्यंत साध्या पद्धताने मोजक्याच लोकांच्या उपस्थित पार पडणार असल्याची माहिती समोर आली आहे.
हळूहळू मैत्रीचे रुपांतर प्रेमात आणि आता लग्न
रेवती सुळे यांच्या लग्नसोहळ्यात पार्थ पवार आणि सुनेत्रा पवार यांच्यासोबत कायनात धार यांनी देखील हजेरी लावली होती. त्यांच्या एन्ट्रीने सर्वांचे लक्ष वेधून घेतले होते. त्यानंतर कायनात धार आणि पार्थ पवार यांच्या लग्नाची चर्चा रंगली. गेल्या काही वर्षांपासून पार्थ आणि कायनात धार यांची मैत्री होती. हळूहळू मैत्रीचे रुपांतर प्रेमात झालं आणि अखेर दोघांनीही लग्न करण्याचा निर्णय घेतला. कायनात यांनी अजित पवार यांच्या निधानानंतर पवार कुटुंबाला खंबीर साथ दिली आहे.
‘कायनात धार’नाही, कायनात दारा
माध्यमांमध्ये पार्थ पवार यांच्या होणाऱ्या पत्नीचे नाव ‘कायनात धार’ असल्याची माहिती प्रसारित झाली होती. मात्र, त्यांचे योग्य नाव कायनात दारा असून त्या मूळच्या चंदीगड येथील आहेत. सध्या त्या दिल्ली येथे वास्तव्यास आहेत. गेल्या काही दिवसांपासून कायनात यांच्या नावाबाबत आणि जन्मस्थळाबाबत चुकीची, अपूर्ण तसेच दिशाभूल करणारी माहिती विविध माध्यमांमध्ये प्रसारित होत असल्याचे लक्षात आल्यानंतर, पार्थ पवार यांच्या कार्यालयाकडून त्यांच्याबाबतची अधिकृत माहिती जाहीर करण्यात आली आहे.
Kayanat Dhar
द लंडन स्कूल ऑफ इकॉनॉमिक्स (LSE) येथून उच्च शिक्षण
कायनात दारा यांच्याबाबतही अनेक माध्यमांमध्ये त्या काश्मिरी असल्याचा उल्लेख करण्यात आला होता. मात्र, त्या काश्मिरी नसून मूळच्या पंजाबी आहेत. त्यांनी दिल्लीतील प्रतिष्ठित द ब्रिटिश स्कूल, चाणक्यपुरी येथून शालेय शिक्षण पूर्ण केले. ही संस्था राजधानीतील आंतरराष्ट्रीय दर्जाच्या नामांकित शैक्षणिक संस्थांपैकी एक मानली जाते. त्यानंतर त्यांनी द लंडन स्कूल ऑफ इकॉनॉमिक्स (LSE) येथून उच्च शिक्षण घेतले.
हॉस्पिटॅलिटी आणि रिअल इस्टेट व्यवसायाची जबाबदारी
सामाजिक शास्त्रे, अर्थशास्त्र, आंतरराष्ट्रीय संबंध आणि सार्वजनिक धोरण या विषयांतील जगातील अग्रगण्य विद्यापीठांमध्ये LSEची गणना केली जाते. उच्च शिक्षणानंतर कायनात दारा यांनी भारतातील अग्रगण्य इंग्रजी वृत्तवाहिन्यांपैकी एक असलेल्या NDTVमध्ये आउटपुट एडिटर आणि रिपोर्टर म्हणून काम केले. सध्या त्या आपल्या कुटुंबाच्या हॉस्पिटॅलिटी आणि रिअल इस्टेट व्यवसायाची जबाबदारी सांभाळत आहेत.
करवीर पीठाचे शंकराचार्य यांच्याशी सविस्तर चर्चा
समाजामध्ये अशी एक समजूत प्रचलित आहे की, कुटुंबातील आई किंवा वडिलांचे निधन झाल्यानंतर जर घरात विवाहसोहळा नियोजित असेल, तर तो एका वर्षाच्या आत पार पाडावा. अन्यथा पुढील तीन वर्षे विवाहासारखे शुभकार्य करता येत नाही. या परंपरेबाबत आणि धार्मिक दृष्टिकोनाबाबत करवीर पीठाचे शंकराचार्य यांच्याशी सविस्तर चर्चा करण्यात आल्याचे सांगण्यात येत आहे. त्यानंतर लग्नाची तारीख ठरवण्यात आली.
पुण्यात साखरपुडा आणि बारामतीत लग्न
दरम्यान, खासदार पार्थ अजितदादा पवार यांचा विवाह २७ फेब्रुवारी २०२७ रोजी बारामती येथे संपन्न होणार आहे. त्यापूर्वी २९ जुलै २०२६ रोजी अत्यंत साध्या आणि कौटुंबिक वातावरणात, मोजक्या नातेवाईक तसेच निमंत्रितांच्या उपस्थितीत त्यांचा साखरपुडा पुण्यात होणार असल्याचे समजते.
