Pravin Tarde shared a special anecdote about Nana Patekar : ज्येष्ठ अभिनेते नाना पाटेकर यांच्या निधनाच्या वृत्ताने सिनेसृष्टीसह त्यांच्या चाहत्यांवर शोककळा पसरली आहे. त्यांच्या जाण्याने अनेक कलाकारांनी दु:ख व्यक्त करत नाना यांच्या आठवणींना उजाळा दिला आहे. अभिनेते, लेखक आणि दिग्दर्शक प्रवीण तरडे यांनीही नाना पाटेकर यांच्याशी संबंधित एक खास आठवण एका मुलाखतीत त्यांनी सांगितली होती.

‘देऊळ बंद २’ या चित्रपटाला बॉक्स ऑफिसवर दमदार यश मिळाल्यानंतर प्रवीण तरडे यांना अनेकांकडून शुभेच्छांचा वर्षाव झाला. मात्र, या यशानंतर सर्वप्रथम फोन करणारी व्यक्ती होती ती म्हणजे नाना पाटेकर. नाना यांच्या त्या फोनने आपल्याला मोठी उभारी दिल्याचे प्रवीण तरडे यांनी सांगितले होते.

प्रवीण तरडे यांनी सांगितले होते की, “‘देऊळ बंद २’ यशस्वी झाल्यानंतर सर्वांत आधी नाना पाटेकरांचा फोन आला. त्याहून विशेष म्हणजे नीलकांती पाटेकर यांनी त्यांच्या शेतात आणि गावात काम करणाऱ्या २४ ते २६ महिलांना स्वतः तिकीट काढून थिएटरमध्ये हा चित्रपट दाखवला. नाना आणि नीलकांती पाटेकर यांचे मी मनापासून आभार मानतो. त्यांच्या त्या फोनने मला खऱ्या अर्थाने उभारी मिळाली.”

मोहन जोशी, स्नेहल तरडे, प्रवीण तरडे आणि महेश मांजरेकर यांच्यासह अनेक दमदार कलाकारांच्या अभिनयाने सजलेला ‘देऊळ बंद २’ हा चित्रपट प्रेक्षकांच्या पसंतीस उतरला. अवघ्या १० कोटी रुपयांच्या बजेटमध्ये तयार झालेल्या या चित्रपटाने १०० कोटी रुपयांचा टप्पा पार करत मराठी चित्रपटसृष्टीत मोठा विक्रम नोंदवला.

ग्रामीण भागातील वास्तवावर भाष्य करणाऱ्या या चित्रपटात शेतकऱ्यांची होणारी फसवणूक, निकृष्ट बी-बियाणे, बनावट खतं-कीटकनाशके आणि सरकारी यंत्रणेकडून होणारा त्रास अशा गंभीर विषयांना हात घालण्यात आला होता. या विषयामुळे चित्रपट प्रेक्षकांच्या मनाला भिडला.

चित्रपटात स्नेहल तरडे यांनी महिला शेतकऱ्याची भूमिका प्रभावीपणे साकारली, तर मोहन जोशी यांनी पुन्हा एकदा स्वामी समर्थ यांच्या भूमिकेत आपल्या अभिनयाची छाप पाडली. मात्र, या चित्रपटाच्या यशानंतर नाना पाटेकरांनी केलेला फोन आणि नीलकांती पाटेकर यांनी गावातील महिलांना स्वतः चित्रपट दाखवण्याची केलेली कृती प्रवीण तरडेंसाठी कायमची आठवण ठरली.

Nana Patekar Death: कार्डियाक अरेस्टने नाना पाटेकर यांचे निधन; 45 मिनिटे CPR देऊनही जीव वाचवण्यात अपयश