Solapur Crime : सोलापूर-हैदराबाद महामार्गावर असलेल्या दक्षिण सोलापूर तालुक्यातील बोरामणी गावात एकाच कुटुंबातील आई आणि तिच्या दोन अल्पवयीन मुलांची तलवारीने वार करून निर्घृण हत्या करण्यात आल्याची धक्कादायक घटना शुक्रवारी उघडकीस आली. (Solapur Crime)

आईला वाचवायला गेलेल्या मुलांचाही क्रूरपणे अंत करण्यात आला. संपत्तीच्या वादातून ही हत्या केल्याचा अंदाज वर्तवला जात आहे. या तिहेरी हत्याकांडामुळे संपूर्ण परिसरात खळबळ उडाली असून गावात भीतीचे वातावरण निर्माण झाले आहे. (Solapur Crime)

पोलिसांनी घटनास्थळ तात्काळ ताब्यात घेत परिसराला बॅरिकेडिंग करून बंदोबस्त वाढविला आहे. गायत्री मस्के, प्रिया मस्के आणि शिवराय मस्के अशी मृतांची नावे आहेत. मिळालेल्या प्राथमिक माहितीनुसार, मृत महिलेच्या पतीचे निधन झाले आहे. (Solapur Crime)

गेल्या काही दिवसांपासून मृत महिला व दिराचे शेतीच्या वादातून सतत भांडण होत होते. हा वाद विकोपाला गेला होता, त्यामुळे मारहाण व शिवीगाळीसारखे प्रकार सातत्याने होत होते. यानंतर दिराने रागाच्या भरात भावजय व दोन पुतण्यांचा खून केला. (Solapur Crime)

या घटनेची माहिती मिळताच सोलापूर तालुका पोलिस ठाण्याचे पोलिस निरीक्षक राहुल देशपांडे यांनी घटनास्थळी धाव घेत गुन्‍हा दाखल केला. या घटनेत जीव गमावलेले प्रिया ही बारावी शिक्षण घेत होते तर शिवराया हा दहावीचा विद्यार्थी होता दोघांच्याही बोर्डाच्या परीक्षा दिल्या होत्या. (Solapur Crime)

एका हसत खेळत्या कुटुंबाचा असा दुर्दैवांत झाल्याने बोरामणी ग्रामस्थांनी हळूहळू व्यक्त केली आहे. (Solapur Crime)