Sandeep Deshpande : औषध निरीक्षक भरती परीक्षा पेपर फुटी प्रकरणात महाराष्ट्र नवनिर्माण सेनेने आक्रमक पवित्रा घेतला आहे. नुकतीच या प्रकरणी मनसे प्रमुख राज ठाकरे यांची विद्यार्थ्यांनी भेट घेतली होती. आता याच मुद्यावर राज ठाकरे मुख्यमंत्री देवेंद्र फडणवीसांची भेट घेणार आहेत, अशी माहिती माध्यमांशी बोलताना मनसे नेते संदीप देशपांडे यांनी दिली.

पेपरफुटीवर बोलताना संदीप देशपांडे यांनी संतप्त सवाल उपस्थित केले. ते म्हणाले “भाजपचे कोण चिल्ले, पिल्ले बगलबच्चे यात गुंतले आहेत का? याचा तपास केला पाहिजे. न्याय मिळवण्यासाठी म्हणून ते राज साहेबांना भेटले. साहेबांनी त्यांच्याकडून माहिती घेतली. ते आता मुख्यमंत्र्यांसोबत या मुद्यावर बोलतील.” असे संदीप देशपांडे यांनी सांगितले.

तसेच ते म्हणाले “आता काय दिलं म्हणजे गुन्हा दाखल करणार? आम्ही आंदोलन केलं की काही बघत नाही थेट एफआयआर दाखल करता. मग, आता एफआयआर दाखल करुन चौकशी का करत नाही?” असा सवालही  त्यांनी उपस्थित केला. ते पुढे म्हणाले मुलांनी आंदोलनाचा निर्णय घेतला, तर मनसे त्यांच्यामागे उभी राहिली.

मुख्यमंत्र्यांना खोचक टोला 

संदीप देशपांडे यांनी मुख्यमंत्री देवेंद्र फडणवीसांवर खोचक शब्दांत निशाणा साधला. “रेशीम बागेत बसून जेन झीं बरोबर गप्पा मारायच्या. पण पेपर फुटीवर मात्र बोलायचं नाही. आपण राम मंदिर आंदोलनाच्यावेळी कसं पोहोचलो ते सांगायचं. त्याने जेन झी येणार नाही. पेपर फुटी मूळ समस्या आहे, त्यावर बोला.”

दोन दिवस अगोदर पेपर फुटल्याचा दावा

एमपीएसीने ड्रग इन्स्पेकटरसाठी परीक्षा घेतली होती. या परीक्षेला ४० हजाराहून अधिक विद्यार्थी बसले होते. ही परीक्षा होण्याअगोदर दोन दिवसआधी परीक्षेचा पेपर फुटला असल्याचा दावा केला जात आहे. त्यांतर याचा पोलीस तपास करत आहेत. स्पष्ट पुरावे देऊन सुद्धा एफआर झालेला नाही. यावरच सवाल उपस्थित करत मनसेने सरकावर आगपाखड केली आहे. त्यामुळे या मुद्यावर राजकारणही तापणार असल्याचे शक्यता आहे.

Bhuleshwaracha Raja Mandal : ‘भुलेश्वरचा राजा’ मंडळाला ‘लालबागच्या राजा’चा मदतीचा हात; भाजपाच्या ‘या’ मंत्र्यांकडूनही वैयक्तिक आर्थिक मदत जाहीर