Newasa News : श्रीरामपूर दौऱ्यावर जात असताना केंद्रीय सामाजिक न्याय राज्यमंत्री रामदास आठवले यांनी नेवासे फाटा (Newasa News) येथे आमदार विठ्ठलराव लंघे-पाटील यांच्या जनसंपर्क कार्यालयाला अचानक सदिच्छा भेट दिली. या भेटीदरम्यान आमदार लंघे-पाटील यांनी ना. रामदास आठवले यांचा जंगी सत्कार केला. यावेळी उपस्थित कार्यकर्त्यांशी संवाद साधताना आठवले यांनी राज्यातील राजकीय समीकरणांवर भाष्य केले.

नेवासे मतदारसंघाचे (Newasa News) आमदार विठ्ठलराव लंघे-पाटील हे सर्व जाती-धर्मांना सोबत घेऊन जाणारे सर्वसमावेशक नेतृत्व असून, आता रिपब्लिकन पार्टी ऑफ इंडिया (रिपाई) त्यांच्या पाठीशी खंबीरपणे उभी ठाकली असल्याचे आठवले यांनी स्पष्ट केले.

महायुतीचा धर्म पाळत केंद्रात पंतप्रधान नरेंद्र मोदी आणि राज्यात मुख्यमंत्री देवेंद्र फडणवीस यांच्या नेतृत्वाला मजबूत करण्यासाठी रिपाईचे सर्व कार्यकर्ते पूर्ण ताकदीने मैदानात उतरल्याचे त्यांनी सांगितले. या सत्कारानंतर दोन्ही नेत्यांमध्ये मतदारसंघातील विविध विकासात्मक आणि राजकीय विषयांवर सविस्तर चर्चा झाली.

या महत्त्वपूर्ण राजकीय घडामोडीच्या (Newasa News) वेळी नगराध्यक्ष डॉ. करणसिंह घुले, शिवसेना नेते भाऊसाहेब वाघ, रिपाई तालुकाध्यक्ष सुशील धायजे, शहराध्यक्ष पप्पू इंगळे, पत्रकार राजेंद्र वाघमारे, ज्येष्ठ नेते चंद्रकांत कर्डक, सुनील वाघमारे, अरुणराव मिसाळ, दयानंद खिलारी, सुरेशराव गायकवाड, संजय बनसोडे, नितीन भालेराव, विजय राजगुरू, नगरसेवक महेश लोखंडे, संदीप सरकाळे, प्रवीण सरोदे, अंकुश म्हस्के, निरंजन डहाळे, कृष्णा परदेशी, शिवसेना शहरप्रमुख नितीन जगताप यांच्यासह संतोष मोरे, अशोक राजगुरू, संदीप चाबुकस्वार, विजय पवार तसेच भाजप, शिवसेना, राष्ट्रवादी काँग्रेस व रिपाईचे असंख्य पदाधिकारी व कार्यकर्ते उपस्थित होते.