Petrol-Diesel Price Hike: देशात पेट्रोल आणि डिझेलच्या दरात सातत्याने होणाऱ्या वाढीमुळे महागाईचा प्रभाव आणखी तीव्र झाला आहे. तेल कंपन्यांनी अवघ्या १० दिवसांत चौथ्यांदा दरवाढ करून सर्वसामान्यांना मोठा धक्का दिला आहे.

इंधनाच्या दरात पहिली दरवाढ १५ मे रोजी करण्यात आली होती आणि तेव्हापासून हाच कल कायम आहे. आता विरोधी पक्षांनी पेट्रोल आणि डिझेलच्या वाढत्या दरांवर अनेक प्रश्न उपस्थित केले आहेत.  (Petrol-Diesel Price Hike)

काँग्रेस पक्षाने सोशल मीडिया प्लॅटफॉर्मवर लिहिले आहे की, “‘महागाईचा मॅन’ मोदींनी ११ दिवसांत पेट्रोल आणि डिझेलच्या दरात ८ रुपयांनी वाढ केली आहे.” पक्षाने म्हटले आहे की, आज पुन्हा पेट्रोलच्या दरात २.८७ रुपये आणि डिझेलच्या दरात २.८० रुपयांनी वाढ झाली आहे. मोदी सरकार आपल्या भांडवलदार मित्रांना फायदा व्हावा यासाठी जनतेच्या खिशावर बोजा टाकत आहे” असाही काँग्रेसने आरोप केला आहे.

‘महंगाई मैन’ मोदी ने पेट्रोल-डीजल 11 दिन में 8 रुपए महंगा कर दिया।

आज फिर पेट्रोल पर 2.87 रुपए और डीजल पर 2.80 रुपए बढ़ा दिए गए हैं।

कब-कब बढ़े दाम 👇
• 15 मई: पेट्रोल 3.29 रुपए, डीजल 3.11 रुपए
• 19 मई: पेट्रोल 96 पैसे, डीजल 94 पैसे
• 23 मई: पेट्रोल 94 पैसे, डीजल 95 पैसे
•…

— Congress (@INCIndia) May 25, 2026

दरम्यान, आम आदमी पक्षाचे मीडिया प्रभारी अनुराग धांडा यांनी सोशल मीडियावर, “मोदी सरकार जनतेला हळूहळू मारत आहे.” असे म्हणत एक पोस्ट शेअर केली आहे. त्यांनी लिहिले, “गेल्या १० दिवसांत पेट्रोल आणि डिझेलच्या दरात ७.५० रुपयांनी वाढ झाली आहे.” अनुराग धांडा यांनी माहिती दिली की, दिल्लीत पेट्रोलचा भाव १०० रुपयांचा टप्पा ओलांडून १०२.१२ रुपये आणि डिझेल ९५.२० रुपये प्रति लिटरवर पोहोचले आहे.   (Petrol-Diesel Price Hike)

किमतींचा संदर्भ देत ते म्हणाले की, “१५ मे रोजी पेट्रोल आणि डिझेलच्या किमती… प्रति लिटर ₹३ ने वाढ झाली. त्यानंतर १९ मे रोजी ९० पैशांची वाढ झाली. २३ मे रोजी पेट्रोलच्या दरात ८७ पैशांनी आणि डिझेलच्या दरात ९१ पैशांनी प्रति लिटर वाढ झाली.”

दररोज किमती का वाढत आहेत?   (Petrol-Diesel Price Hike)

काँग्रेस नेते मनीष तिवारी यांनी सोशल मीडियावर, “हरदीप सिंग पुरी का? सरकारी तेल विपणन कंपन्यांनी (OMCs) २०२५-२६ या आर्थिक वर्षात प्रचंड नफा कमावला आहे.” तिन्ही तेल कंपन्यांनी एकूण ७७,२८०.६५ कोटी रुपयांचा नफा कमावला असून, तो २०२४-२५ या आर्थिक वर्षाच्या तुलनेत १३०% अधिक आहे.” असे म्हटले.

मनीष तिवारी यांनी निदर्शनास आणून दिले की, जानेवारी-मार्च २०२६ च्या चौथ्या तिमाहीत, जेव्हा इस्रायल आणि अमेरिकेने इराणवर हल्ला केला होता, तेव्हाही या तिन्ही तेल कंपन्यांनी गेल्या वर्षीच्या याच कालावधीच्या तुलनेत ४०% अधिक नफा कमावला होता. त्यांनी विचारले, “जेव्हा या तेल कंपन्यांनी इतका प्रचंड नफा कमावला आहे, तेव्हा पेट्रोल आणि डिझेलच्या किमती दररोज हळूहळू का वाढत आहेत?”