Modi Government : अलीकडेच पार पडलेल्या पाच राज्यांच्या विधानसभा निवडणुकांमध्ये भाजपला (Modi Government) चांगले यश मिळाले आहे. विशेष म्हणजे पश्चिम बंगालमध्ये पक्षाने पहिल्यांदाच सरकार स्थापन केले आहे. या विजयाच्या (Modi Government) जोरावर भाजपने आगामी विधानसभा निवडणुकांची तयारी वेगाने सुरू केली आहे. पक्षांतर्गत आणि केंद्र सरकारमध्ये मोठ्या फेरबदलांच्या चर्चांना जोर आला असून, सूत्रांच्या माहितीनुसार भाजपचे राष्ट्रीय अध्यक्ष नितिन नबीन पक्षांतर्गत बदल करण्याच्या तयारीत आहेत. २०२४ नंतरची स्थिती २०२४ च्या लोकसभा निवडणुकीत भाजपाला (Modi Government) स्वबळावर बहुमत मिळाले नव्हते. त्यानंतर जेडीयू आणि तेलुगु देसम पक्ष (टीडीपी) सारख्या मित्रपक्षांच्या मदतीने केंद्रात सरकार स्थापन केले. ९ जून २०२४ रोजी पंतप्रधान नरेंद्र मोदी यांनी सलग तिसऱ्यांदा पंतप्रधानपदाची शपथ घेतली. मात्र, त्यानंतर केंद्र सरकारच्या मंत्रिमंडळात कोणताही विस्तार किंवा फेरबदल झालेला नाही. त्यामुळे आता मोठ्या बदलांची शक्यता वर्तवली जात आहे. महत्त्वाची बैठक २१ मे २०२६ रोजी पंतप्रधान नरेंद्र मोदी यांच्या अध्यक्षतेखाली मंत्रिपरिषदेची महत्वाची बैठक होणार आहे. या बैठकीकडे सर्वांचे लक्ष लागले आहे. सूत्रांच्या मते, या बैठकीत केंद्र सरकारच्या मंत्रिमंडळात (Modi Government) फेरबदल आणि विस्तार करण्याबाबत निर्णय होण्याची शक्यता आहे. Modi Government भाजप नेत्यांच्या म्हणण्यानुसार, आगामी निवडणुकांच्या रणनीतीसाठी हा संघटनात्मक बदल अत्यंत महत्त्वाचा ठरेल. भाजप सध्या २०२७ मधील विधानसभा निवडणुका, राष्ट्रपती निवडणूक आणि २०२९ च्या लोकसभा निवडणुकांची तयारी आतापासूनच सुरू करत आहे. कोणत्या नेत्यांना संधी मिळणार? – सध्याच्या केंद्रीय मंत्र्यांच्या जागी काही प्रदेशाध्यक्ष किंवा वरिष्ठ नेत्यांना संधी मिळण्याची शक्यता आहे. – अनुभवी नेत्यांना पक्ष विस्तार आणि संघटनात्मक जबाबदारी दिली जाऊ शकते. – आगामी निवडणुकीसाठी मजबूत नेतृत्व आणि प्रभावी रणनीतीची गरज लक्षात घेऊन हा निर्णय घेतला जाईल. युवा, महिला आणि नवीन चेहऱ्यांना प्राधान्य २०२७ मध्ये उत्तर प्रदेश, उत्तराखंड, गोवा, मणिपूर, पंजाब, हिमाचल प्रदेश आणि गुजरात या राज्यांमध्ये विधानसभा निवडणुका होणार आहेत. यापैकी अनेक राज्यांत भाजप सध्या सत्तेत आहे. एका वरिष्ठ नेत्याने सांगितले की, “नुकत्याच निवडणुका झालेल्या राज्यांतील यशस्वी चेहऱ्यांना केंद्रात संधी दिली जाऊ शकते. तसेच आगामी निवडणूक (Modi Government) राज्यांना योग्य प्रतिनिधित्व मिळेल. पुढील दशकाची रणनीती लक्षात घेऊन युवा नेते, महिला नेते आणि व्यावसायिक पार्श्वभूमी असलेल्या व्यक्तींनाही महत्त्वपूर्ण संधी दिल्या जातील.” दरम्यान, या मंत्रिमंडळ विस्तारात महाराष्ट्राला फारसे प्रतिनिधित्व मिळण्याची शक्यता कमी असल्याचे समजत आहे. भाजपने निवडणुकीतील यशस्वी कामगिरीचा फायदा घेत पक्ष आणि सरकार दोन्ही पातळ्यांवर मजबूत आणि नवीन नेतृत्व उभे करण्याचा प्रयत्न सुरू केला आहे. २१ मे रोजी होणारी बैठक पक्षाची भविष्यातील दिशा ठरवण्यासाठी निर्णायक ठरण्याची शक्यता आहे. युवा, महिला आणि नव्या चेहऱ्यांना प्राधान्य देऊन भाजप २०२७ आणि २०२९ च्या मोठ्या लढायांची तयारी करत असल्याचे स्पष्ट दिसत आहे.
