Ladki Bahin Yojana: मुख्यमंत्री माझी लाडकी बहीण योजनेद्वारे पात्र महिलांना दर महिन्याला 1500 रुपये दिले जातात. या संदर्भात आता एक महत्त्वाची अपडेट समोर आली आहे.

महागाई वाढल्याने आणि कुटुंबांच्या खर्चात झालेल्या बदलामुळे गरज पडल्यास ती रोख रक्कम वाढवली पाहिजे, असे पंतप्रधानांच्या आर्थिक सल्लागार परिषदेने सादर केलेल्या एका शोधनिबंधात हे सुचवण्यात आले आहे.  (Ladki Bahin Yojana)

या अहवालात महाराष्ट्रातील ‘माझी लाडकी बहीण योजना’ आणि ओडिशातील ‘सुभद्रा योजनेचा’ अभ्यास करण्यात आला आहे. ‘या योजनांमुळे महिलांची बचत वाढली, घरगुती खर्चात मदत झाली आणि कुटुंबाची आर्थिक स्थिती सुधारली.रोख मदतीसोबत महिलांना डिजिटल साक्षरता, कौशल्य विकास आणि स्वयं सहायता गट यांच्याशीही जोडले जावे, जेणेकरून त्या आर्थिकदृष्ट्या अधिक सक्षम होऊ शकतील,’ असेही अहवालात म्हटले आहे.  (Ladki Bahin Yojana)

 

तसेच वाढती महागाई आणि बदलत्या कौटुंबिक गरजांनुसार, थेट बँक खात्यात जमा होणारी सध्याची १५०० रुपयांची रक्कम पुरेशी आहे की नाही, हे तपासण्यासाठी या योजनेचे मूल्यमापन करावे आणि त्यात बदल केले पाहिजे.

तसेच विविध राज्य सरकारांतर्फे महिलांसाठी राबवल्या जाणार्‍या थेट बँक खात्यात पैसे जमा करण्याच्या योजनांचा महागाई आणि कुटुंबाच्या बदलत्या गरजा लक्षात घेऊन वेळोवेळी पुनर्विचार केला पाहिजे, असे समितीने चर्चापत्रात म्हटले आहे.

महिलांकडून यूपीआयचा वापर वेगाने वाढला

या योजनांमुळे महिलांच्या बँक खात्यातील शल्लिक रकमेत महाराष्ट्रात ८४ टक्के तर ओडिशात ४५ टक्के वाढ झाली आहे. तसेच त्यांच्या मासिक खर्चात अनुक्रमे ४६ टक्के आणि २८ टक्के वाढ झाली आहे. महिलांच्या डिजिटल व्यवहारांना गती मिळाली असून, लाभार्थी महिलांकडून यूपीआयचा वापर वेगाने वाढला आहे.

या पैशांचा वापर प्रामुख्याने जीवनशैली सुधारणे, वैद्यकीय उपचार आणि मुलांच्या शिक्षिणासाठी केला जात आहे. महिलांच्या हातात पैसे आल्यामुळे त्यांच्या कुटुंबातील इतर सदस्यांची आर्थिक स्थिती सुधारली असून, त्यांचा खर्चाचा ताण कमी झाला असल्याचेही यात म्हंटले आहे.  Ladki Bahin Yojana

हेही वाचा: 

Syria Damascus Serial Blast: सीरियाची राजधानी दमास्कस हादरली ; फ्रान्सचे राष्ट्राध्यक्ष मॅक्रॉन यांच्या हॉटेलबाहेर बॉम्बस्फोट