Asian Games 2026 India Cricket Team Jersey Issue Flight Delayed Flag Bearer Changed : आशियाई क्रीडा स्पर्धा २०२६ (Asian Games 2026) मध्ये सुवर्णपदकाचा बचाव करण्यासाठी सज्ज झालेला भारतीय पुरुष क्रिकेट संघ रविवारी सकाळी जपानला रवाना होणार आहे. मात्र, खेळाडूंच्या जर्सीच्या आकाराचा (Size) गंभीर प्रश्न निर्माण झाल्यामुळे श्रेयस अय्यरच्या नेतृत्वाखालील टीम इंडियाच्या उड्डाणास विलंब होण्याची शक्यता निर्माण झाली आहे. अफगाणिस्तानला ३-० ने व्हाईटवॉश दिल्यानंतर भारतीय संघ आत्मविश्वासाने भरलेला आहे; परंतु अद्याप सर्व खेळाडूंना त्यांच्या योग्य मापाच्या अधिकृत जर्सी न मिळाल्याने व्यवस्थापनाची मोठी धांदल उडाली आहे.

जेएसडब्ल्यूसोबत चर्चा सुरू; काही खेळाडू अजूनही योग्य जर्सीच्या प्रतीक्षेत!

पीटीआयच्या वृत्तानुसार, जर्सीच्या आकारातील त्रुटींवर तोडगा काढण्यासाठी बीसीसीआय भारतीय ऑलिम्पिक संघटनेचा (IOA) प्रायोजक असलेल्या जेएसडब्ल्यूशी सातत्याने संपर्क साधत आहे. बऱ्याच खेळाडूंचा प्रश्न सुटला असला, तरी काही खेळाडूंना अजूनही व्यवस्थित बसणारी जर्सी मिळालेली नाही. रविवारी सकाळी संघ जपानसाठी टेकऑफ करणार असल्याने, वेळेत किट उपलब्ध न झाल्यास विमानाचे वेळापत्रक बदलावे लागण्याची भीती व्यक्त होत आहे.

दोन वेगवेगळ्या जर्सीत खेळणार भारत; स्पर्धेत वेगळा लूक!

Team India Faces Pre-Departure Kit & Hotel Woes! 🏏

• Men’s team deals with jersey sizing issues ahead of flight to Japan.

• IOA supplier JSW Inspire rectifies majority of kits before departure.

• Dual-kit requirement caused mix-up (Japan T20I + Asian Games jersey).

•… pic.twitter.com/qrZ4I7zypr

— Cricket Hub (@Anurag9793) September 19, 2026

भारतीय संघाला या दौऱ्यात दोन वेगवेगळ्या प्रकारच्या जर्सी परिधान कराव्या लागणार आहेत. आशियाई क्रीडा स्पर्धेचा भाग नसलेल्या जपानविरुद्धच्या एका सराव सामन्यात टीम इंडिया नेहमीच्या नियमित आंतरराष्ट्रीय जर्सीत मैदानात उतरेल. त्यानंतर २८ सप्टेंबरपासून सुरू होणाऱ्या आशियाई क्रीडा स्पर्धेच्या मुख्य लढतींसाठी भारतीय संघ जेएसडब्ल्यूने डिझाइन केलेली अधिकृत तिरंगा जर्सी परिधान करणार आहे.

हेही वाचा –  Ajit Agarkar Tenure : क्रिकेट विश्वात खळबळ! आगरकर पायउतार? BCCI सचिवांनी अखेर सोडलं मौन; नवा चीफ सिलेक्टर कोण? पाहा

किट न मिळाल्याने ध्वजवाहक बदलला; तेजिंदरपाल ऐवजी पवन सेहरावतला मान!

किटच्या या भोंगळ कारभाराचा मोठा फटका उद्घाटन सोहळ्यालाही बसला आहे. भारताचा स्टार खेळाडू तेजिंदरपाल सिंह तूर याला वेळेत किट न मिळाल्याने तो नियोजित वेळेत जपानला पोहोचू शकला नाही. त्यामुळे आयओएला ऐनवेळी आपला ध्वजवाहक बदलावा लागला. आता उद्घाटन सोहळ्यात मनू भाकरसोबत भारताचा स्टार कबड्डीपटू पवन सेहरावत भारताचा नवा ध्वजवाहक म्हणून तिरंगा फडकवताना दिसेल.