Tejas Thackeray :  कथित मतचोरीवरून मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी अनेक ठिकाणी आंदोलने केली जात आहे. मुंबईच्या छत्रपती शिवाजी महाराज पार्कमध्येही विद्यार्थ्यांनी आंदोलनाची हाक दिली होती. या आंदोलनात ठाकरे गटाचे नेते आदित्य ठाकरे यांच्यासोबत त्यांचे बंधू तेजस ठाकरे देखील उतरले होते. त्यामुळे पुन्हा एकदा तेजस ठाकरेंच्या राजकीय एन्ट्रीच्या चर्चांना उधाण आले.

नेहमी राजकारणापासून दूर राहून निसर्गातील दुर्मिळ प्रजातींवर संशोधन करणारे तेजस ठाकरे रस्त्यावर उतरल्याने अनेकांकडून आश्चर्य व्यक्त करण्यात आले. यानंतर आता तेजस ठाकरे यांनी केंद्रीय पर्यावरण मंत्री भूपेंद्र यादव यांना पत्र लिहिले आहे. तेजस ठाकरे यांच्या पत्रामुळे ते राजकारणात सक्रिय होणार असल्याची चर्चा सुरू झाली आहे.

पत्र लिहण्यामागचे कारण काय? 

झी-जेनच्या आंदोलनात सहभाग नोंदवल्यानंतर आता ‘ठाकरे वाईल्ड लाईफ फाउंडेशन’चे प्रमुख तेजस ठाकरे यांनी थेट केंद्र सरकारचे लक्ष एका गंभीर पर्यावरणाच्या मुद्द्याकडे वेधले आहे. पश्चिम बंगालमधील चेल नदीच्या खोऱ्यात आढळणाऱ्या अत्यंत दुर्मिळ अशा ‘बोर्ना स्नेकहेड’ या माशाच्या तस्करीविरोधात त्यांनी केंद्रीय पर्यावरण मंत्री भूपेंद्र यादव यांना पत्र लिहून कठोर कारवाईची मागणी केली आहे. आंतरराष्ट्रीय पाळीव प्राणी व्यापारासाठी बेकायदेशीर शिकार होत असल्याचा पत्रातून दावा करण्यात आला आहे.  Tejas Thackeray

2025 मध्ये ठाकरे वन्यजीव प्रतिष्ठानच्या संशोधकांनी शोध लावला आहे. मर्यादित अधिवासामुळे माशाच्या अस्तित्वाला गंभीर धोका असल्याचं पत्रात नमूद करण्यात आले आहे. या बेकायदेशीर व्यापाराला आणि शिकारीला आळा घालण्यासाठी तेजस ठाकरे आणि त्यांच्या फाउंडेशनने केंद्र सरकारकडे तीन मुख्य मागण्या केल्या आहेत.

या दुर्मिळ माशाला ‘वन्यजीव संरक्षण कायद्या’अंतर्गत सर्वोच्च पातळीचे संरक्षण प्रदान करण्यात यावे, चेल नदीच्या महत्त्वाच्या भागांमध्ये तातडीने ‘संरक्षित जलचर क्षेत्रे’ घोषित करावी आणि तस्करांवर बारकाईने लक्ष ठेवण्यासाठी आणि अवैध शिकारीला रोखण्यासाठी विशेष गस्त पथके तैनात करावेत अशा मागण्या तेजस ठाकरे यांनी केल्या आहेत. Tejas Thackeray

हेही वाचा: 

Pradeep Purnekar case : “होय, मी प्रदीप पूर्णेकरांच्या मारेकऱ्यांना ओळखतो, पण…”; राजेंद्र शिंदे पोलिस चौकशीत काय म्हणाले? गुणरत्न सदावर्तेंच्या वक्तव्याने खळबळ