Pravesh Verma ।  दिल्ली विधानसभा निवडणुकीची मतमोजणी सुरू झाली आहे. त्यातच नवी दिल्ली विधानसभा मतदारसंघातील भारतीय जनता पक्षाचे उमेदवार प्रवेश वर्मा यांनी, हा दिल्लीसाठी महत्त्वाचा दिवस आहे असे त्यांनी म्हटले. तसेच त्यांनी राष्ट्रीय राजधानीत भाजप सरकार स्थापनेसाठी प्रार्थना केली.

दिल्लीत भाजप सरकार स्थापन व्हावे Pravesh Verma । 

“दिल्लीतील लोकांसाठी हा महत्त्वाचा दिवस आहे. मी दिल्लीत भाजप सरकार स्थापन व्हावे अशी प्रार्थना केली…” वर्मा यांनी सांगितले. वर्मा हे नवी दिल्ली विधानसभा मतदारसंघातून आपचे राष्ट्रीय संयोजक अरविंद केजरीवाल आणि काँग्रेसचे संदीप दीक्षित यांच्याविरुद्ध निवडणूक लढवत आहेत. त्यांनी शनिवारी कॅनॉट प्लेस येथील हनुमान मंदिरात प्रार्थनाही केली.

दिल्ली विधानसभा निवडणुकीची मतमोजणी शनिवारी कडक सुरक्षा व्यवस्थेत सुरू झाली. सुरुवातीला, पोस्टल मतपत्रिका मोजल्या जातील. इलेक्ट्रॉनिक मतदान यंत्रे (EVM) सकाळी ८:३० वाजता उघडली जातील. सर्व सुरक्षा व्यवस्था ठेवण्यात आली आहे. ७० सदस्यीय विधानसभेसाठी ५ फेब्रुवारी रोजी मतदान झाले आणि एकूण ६०.५४ टक्के मतदान झाले.

राष्ट्रीय राजधानीत दोन दशकांहून अधिक काळानंतर भाजप पुन्हा सत्तेत येण्यासाठी सर्वतोपरी प्रयत्न करत असताना, ‘आप’ सलग तिसऱ्यांदा सत्तेत येण्याचे लक्ष्य ठेवून आहे. नवी दिल्ली मतदारसंघातील काँग्रेस उमेदवार संदीप दीक्षित यांनी शनिवारी सांगितले की, आम आदमी पक्षासोबत त्यांच्या पक्षाच्या कोणत्याही निवडणूकोत्तर युतीबद्दल त्यांना काहीच माहिती नाही कारण हा हायकमांडचा निर्णय आहे.  एका वृत्तसंस्थेशी बोलताना दीक्षित यांनी, “मला युतीबद्दल काहीच माहिती नाही. हा हायकमांडचा निर्णय आहे. मतमोजणी होऊ द्या.”असे म्हटले.

एक्झिट पोलमध्ये भाजपची आघाडी Pravesh Verma ।  

बुधवारी जाहीर झालेल्या बहुतेक एक्झिट पोलमध्ये भाजपला ‘आप’वर आघाडी मिळाली आहे. ‘आप’ नेत्यांनी सांगितले की, ‘एक्झिट पोल’ने पक्षाच्या कामगिरीला ऐतिहासिकदृष्ट्या कमी लेखले आहे. त्यांनी पुन्हा सत्तेत येण्याचा विश्वास व्यक्त केला.

यमुना नदीतील कथित विषारीपणा आणि मुख्यमंत्री म्हणून अरविंद केजरीवाल यांच्या निवासस्थानाच्या नूतनीकरणावरून पंतप्रधान नरेंद्र मोदी यांच्या नेतृत्वाखालील भाजपच्या मोहिमेत ‘आप’वर निशाणा साधण्यात आला. केजरीवाल यांच्यावर टीका करण्यासाठी पंतप्रधानांनी ‘आपडा’ आणि ‘शीशमहल’ या शब्दांचाही वापर केला. दरम्यान, ‘आप’ने अकरा वर्षांच्या कार्यकाळात शिक्षण क्षेत्रातील त्यांच्या ‘कामगिरी’वर प्रकाश टाकला. केजरीवाल यांनी दावा केला की जर भाजप सत्तेत आले तर ते “मोफत शिक्षण बंद करेल”.

दिल्लीत सलग १५ वर्षे सत्तेत असलेल्या काँग्रेसला गेल्या दोन विधानसभा निवडणुकीत पराभव पत्करावा लागला आहे आणि त्यांना एकही जागा जिंकता आली नाही. दिल्लीतील गेल्या दोन विधानसभा निवडणुकीत आपचे वर्चस्व राहिले आहे, परंतु भाजप दोन दशकांहून अधिक काळानंतर हा ट्रेंड मोडून राष्ट्रीय राजधानीत पुन्हा सत्ता मिळवण्याचा प्रयत्न करत आहे.