नवी दिल्ली : देशात करोनाची दुसरी लाट आता ओसरली आहे. पण तिसऱ्या लाटेचा धोका अजूनही कायम असल्याचे दिसत आहे. दरम्यान, आजचा दिवसही दिलासा देणारा ठरला आहे. कारण  मागील २४ तासांत करोनाचे ३५,१७८ नवीन रुग्ण आढळले असून, याबरोबरच एकूण संक्रमितांची संख्या ३,२२,८५,८५७ वर गेली आहे.

राष्ट्रीय स्तरावर रुग्ण बरे होण्याचा दर ९७.५२ टक्के नोंदला गेला.  बुधवारी सकाळी ८ वाजता केंद्रीय आरोग्य मंत्रालयाकडून मिळालेल्या आकडेवारीनुसार, २४ तासांत ४४० रुग्णांचा मृत्यू झाला. याबरोबरच एकूण मृतांची संख्या ४,३२,५१९ झाली आहे. उपचाराधीन रुग्णांची संख्या कमी होऊन ती ३,६७,४१५ पर्यंत खाली आहे.

मंगळवारी करोनासाठी १७,९७,५५९ चाचण्या केल्या. यानंतर देशात करण्यात आलेल्या चाचण्यांची एकूण संख्या ४९,८४,२७,०८३ वर गेली. देशात आजवर करोना लसीच्या ५६.०६ कोटी मात्रा देण्यात आल्या. देशात मागील २४ तासांत करोनामुळे झालेल्या ४४० मृत्यूमध्ये केरळचे १२७ व महाराष्ट्रातील ११६ आहेत.

देशात करोनामुळे आजवर ४,३२,५१९ रुग्णांचा मृत्यू झाला असून, त्यात महाराष्ट्रातील १,३५,२५५, कर्नाटकातील ३७,०३९, तामिळनाडूतील ३४,५७९, दिल्लीतील २५,०७३, उत्तर प्रदेशातील २२,७८६, केरळमधील १८,८७० व पश्चिम बंगालमधील १८,३१८ मृत्यूंचा समावेश आहे.