तिलक वर्माच्या जागी केरळचा फलंदाज मोहम्मद अझहरुद्दीनची साऊथ झोनच्या कर्णधारपदी नियुक्ती करण्यात आली आहे. हा सेमीफायनल सामना ४ सप्टेंबरपासून बीसीसीआय सेंटर ऑफ एक्सलन्स येथे नॉर्थ झोनविरुद्ध खेळवला जाईल. मोहम्मद अझहरुद्दीन यापूर्वी साऊथ झोनचा उपकर्णधार होता आणि आता त्याच्यावर संघाच्या कर्णधाराची जबाबदारी सोपवण्यात आली आहे. त्याच्या जागी तमिळनाडूचा खेळाडू एन. जगदीशनला उपकर्णधार बनवण्यात आले आहे.

याशिवाय, साऊथ झोनला आणखी एक धक्का बसला आहे. तमिळनाडूचा डावखुरा फिरकीपटू आर. साई किशोर दुखापतीमुळे सेमीफायनलमधून बाहेर पडला आहे. साई किशोरने नुकत्याच झालेल्या बुची बाबू ट्रॉफीमध्येही दुखापतीमुळे भाग घेतला नव्हता, कारण त्याच्या हाताची दुखापत पूर्णपणे बरी झालेली नाही.

हेही वाचा – Duleep Trophy 2025 : आयुष बदोनीची कमाल! द्विशतक झळकावत संघाला पोहोचवलं सेमीफानयलमध्ये

संघात नव्या खेळाडूंचा समावेश –

साऊथ झोनने आपल्या संघात दोन नव्या खेळाडूंना स्थान दिले आहे. पुदुच्चेरीचा डावखुरा फिरकीपटू अंकित शर्मा आणि आंध्र प्रदेशचा युवा फलंदाज शेख रशीद यांना स्टँडबाय यादीतून मुख्य संघात सामील करण्यात आले आहे. विशेष म्हणजे, शेख रशीदला नुकतेच आयपीएल २०२५ साठी चेन्नई सुपर किंग्जने आपल्या संघात सामील करून घेतले आहे.

हेही वाचा – Sreesanth Wife Statement : ‘मोदी-क्लार्कला लाज वाटायला हवी…’, श्रीसंतची पत्नी भुवनेश्वरी का संतापली, नेमकं कारण काय?

साऊथ झोनचा नवा संघ: मोहम्मद अझहरुद्दीन (कर्णधार), तन्मय अग्रवाल, देवदत्त पडिक्कल, मोहित काले, सलमान निझार, नारायण जगदीशन, त्रिपुराना विजय, तनय त्यागराजन, विजयकुमार वैशाख, निधीश एमडी, रिकी भुई, बासिल एनपी, गुरजपनीत सिंह, स्नेहल कौथंकर, अंकित शर्मा, शेख रशीद. स्टँडबाय खेळाडू : मोहित रेडकर, आर. समरण, एडेन एप्पल टॉम, आंद्रे सिद्धार्थ.