नवी दिल्ली – अभिनेता शाहरुख खान याचा २००४ साली ‘स्वदेश’ चित्रपट प्रदर्शित झाला होता. या चित्रपटासोबत यातील गाण्यांनाही चांगलीच प्रसिद्धी मिळाली होती. यातील टायटल ट्रॅक ‘ये जो देश है तेरा’ या गाण्याला प्रेक्षकांची मोठी पसंती मिळली होती. हेच गाणे आता अमेरिकेच्या नौदलाच्या काही कर्मचाऱ्यांनी गेले आहे. हा व्हिडीओ सोशल मीडियावर व्हायरल झाला आहे.

‘ये वो बंधन है जो कभी टूट नहीं सकता! This is a friendship bond that cannot be broken ever.’ 🇮🇳🇺🇸

US Navy singing a popular Hindi tune @USNavyCNO ‘s dinner last night! pic.twitter.com/hfzXsg0cAr

— Taranjit Singh Sandhu (@SandhuTaranjitS) March 27, 2021

एका भोजन कार्यक्रमादरम्यान २७ मार्च रोजी हे गाणे नौदलाच्या कर्मचाऱ्यांनी सादर केले. या कार्यक्रमादरम्यान अमेरिकेचे चीफ ऑफ नेव्हल ऑपरेशन्स मायकल एम गिल्डे आणि भारताचे राजदूत तरनजीत सिंग संधू उपस्थित होते. यावेळचा व्हिडीओ तरनजीत सिंग संधू यांनी आपल्या ट्विटर आकाऊंवर शेअर केला आहे. दरम्यान, सोशल मीडियावरील आता हा व्हिडीओ नेटकऱ्यांच्या पसंतीस उतरत आहे.