Shiv Sena (UBT) : आठ दिवसांत उपमुख्यमंत्री आणि शिवसेना पक्षाचे मुख्य नेते एकनाथ शिंदे यांनी माजी मुख्यमंत्री उद्धव ठाकरे यांना दुसरा मोठा धक्का दिला. उद्धव ठाकरे आणि आमदार आदित्य ठाकरे यांचे अत्यंत विश्वासू मानले जाणारे आमदार सचिन अहिर यांना शिवसेनेकडून विधानपरिषदेच्या उपसभापती पदाची उमेदवारी दिली. विधानपरिषदेचे सभापती भाजपचे राम शिंदे आहेत. त्यामुळे शिवसेनेचा उपसभापती होणार हे निश्चित मानले जाते. काल अनपेक्षितपणे सचिन अहिर यांनी शिवसेनेकडून उपसभापती पदाचा नामनिर्देश अर्ज दाखल केला.

आता आमदार सचिन अहिर यांच्यावर शिवसेना उद्धव बाळासाहेब ठाकरे गटाकडून जोरदार टीका केली जात आहे. खरंतर वरळी विधानसभा येथून आमदार आदित्य ठाकरे यांना निवडूण आणण्यात सचिन अहिर यांचा मोठा वाटा आहे. पण त्यांनीच ठाकरे पिता पुत्रांची सोडली आहे. यावर आमदार आदित्य ठाकरे यांनी संतप्त प्रतिक्रिया दिली. यानंतर आता ठाकरेंच्या एका शिलेदाराने सोशल मीडियावर पोस्ट शेअर करत सचिन अहिर यांच्यावर जोरदार टीका आहे.

हेही वाचा : Satara: माउलींच्या पालखी सोहळ्यासाठी जादा बसेस

हा अहिर नाही.. सत्तेसाठी, पदांसाठी हपापलेला सैरभैर म्हणावा लागेल…!

राष्ट्रवादीकडे सत्ता होती तेव्हा राष्ट्रवादीत. त्यांची सत्ता गेली तेव्हा शिवसेनेत. आता शिवसेनेची सत्ता नाही म्हणून शहासेनेत.. म्हणजे संघर्ष करायचाच नाही. थोडक्यात काय तर तुम्ही सत्तेची पदं आता कितीही उपभोगा पण… pic.twitter.com/MJ5AZCSBI6

— Akhil Chitre अखिल चित्रे (@akhil1485) June 30, 2026

‘पक्षनेतृत्वाने विश्वास टाकायचा आणि आपण तो मातीमोल करायचा’ हीच ओळख तुमची आयुष्यभर लोकांमध्ये राहील इतकं नक्की! असा बोचरा वार पोस्टमधून करण्यात आला आहे. तसेच सचिन अहिर यांच्या राजकीय कारकीर्दवर भाष्य करत जोरदार टीकाही करण्यात आली आहे.

नेमकी पोस्ट काय? 

हा अहिर नाही.. सत्तेसाठी, पदांसाठी हपापलेला सैरभैर म्हणावा लागेल…!

राष्ट्रवादीकडे सत्ता होती तेव्हा राष्ट्रवादीत. त्यांची सत्ता गेली तेव्हा शिवसेनेत. आता शिवसेनेची सत्ता नाही म्हणून शहासेनेत.. म्हणजे संघर्ष करायचाच नाही. थोडक्यात काय तर तुम्ही सत्तेची पदं आता कितीही उपभोगा पण ‘पक्षनेतृत्वाने विश्वास टाकायचा आणि आपण तो मातीमोल करायचा’ हीच ओळख तुमची आयुष्यभर लोकांमध्ये राहील इतकं नक्की! असं शिवसेना उद्धव बाळासाहेब ठाकरे पक्षाचे अखिल चित्रे यांनी म्हटलं आहे.

हेही वाचा : Pimpri : ‘नाव समिती’समोर प्रशासनाचे हात वर! अभिप्राय देण्याऐवजी निर्णय समितीवरच ढकलला