नवी दिल्ली : नव्या महिन्याबरोबरच बँकिंग आणि आर्थिक क्षेत्रातील काही नियमांमध्ये आजपासून बदल होणार आहे. हे बदल थेट तुमच्या सर्वसामाम्यांच्या बजेटवर परिणाम करणार असल्याचे दिसत आहे. आजपासून नेमके कोणते बदल होणार आहेत ते जाणून घेऊयात…

* केंद्र सरकारने प्रधानमंत्री सुरक्षा विमा योजना आणि प्रधानमंत्री जीवन ज्योती विमा योजना यांच्या प्रीमियममध्ये वाढ करण्याचा निर्णय घेतला आहे. भविष्यात या योजना आधिक सशक्त करण्यासाठी तसेच त्या चालू ठेवण्यासाठी प्रीमियम वाढवने गरजेचे असल्याचे केंद्र सरकारने म्हटले आहे.

*  पूर्वी प्रधानमंत्री जीवन ज्योती विमा योजनेसाठी वार्षीक हप्ता 330 रुपये होता. आता आजपासून त्यामध्ये वाढ करण्यात आली असून या योजनेसाठी 436 रुपये द्यावे लागणार आहेत.

*  त्याचप्रमाणे प्रधानमंत्री सुरक्षा विमा योजनेमध्ये देखील बदल करण्यात आला आहे. पूर्वी या विमा योजनेचा वार्षीक हप्ता हा 12 रुपये एवढा होता. आता त्यामध्ये वाढ करून तो 20 रुपये करण्यात आला आहे. नवी प्रीमियम वाढ आजपासून लागू करण्यात आली आहे.

*  जर तुम्ही स्टेट बँकेचे ग्राहक असाल आणि तुम्ही बँकेकडून होम लोन घेतले असेल तर आजपासून तुमच्या इएमआयमध्ये वाढ होणार आहे. स्टेट बँक ऑफ इंडियाकडून होम लोनसाठी एक्सटर्नल बेंचमार्क लॅडिंग रेटमध्ये वाढ करण्यात आली आहे. EBLR 40 बेसिस पॉइंटने वाढवण्यात आला आहे. त्यामुळे आजापासून होम लोन महाग होणार आहे.

*  अ‍ॅक्सिस बँकेकडून सॅलरी आणि सेव्हिंग खात्यावर आकारण्यात येणाऱ्या सेवा शुल्कात वाढ करण्याचा निर्णय घेण्यात आला आहे. तसेच खात्यातील मिनिमम शिल्लक रकमेमध्ये देखील वाढ करण्यात आली आहे. पूर्वी ही 15 हजार असलेली रक्कम आता 25 हजार रुपये करण्यात आली आहे.

*  आजपासून थर्ड पार्टी वाहन विम्यात देखील वाढ करण्यात आली आहे. याचा मोठा फटका हा वाहनधारकांना बसू शकतो.

*  आज एक जून आहे, महिन्याचा पहिला दिवस असल्याने ज्येट फ्यूल आणि एलपीजी गॅसच्या किमतींमध्ये देखील बदल होण्याची शक्यता आहे.