Supriya Sule : “अजून एक गोड बातमी आहे ती तुम्हाला लवकर कळेल’; सुप्रिया सुळेंच्या विधानाने चर्चांना उधाण
Supriya Sule : आता नाशिकमध्ये सुप्रिया सुळे यांनी लवकरच गोड बातमी समजेल असं वक्तव्य केल्याने चर्चांना उधाण आले आहे.
Supriya Sule : राज्याच्या राजकारणात मोठ्या घडामोडींना वेग आला आहे. सतत आश्चर्यकारक घटना घडताना दिसत आहेत. एकनाथ शिंदेंच्या अॅापरेशन टायगरची चर्चा सतत होत असते. आता शरद पवार यांच्या राष्ट्रवादी काँग्रेस पक्ष सत्तेत एनडीएसोबत सहभागी होणार असल्याची चर्चा रंगली आहे. मात्र, या चर्चा खासदार सुप्रिया सुळे यांनी फेटाळून लावल्या होत्या. आता नाशिकमध्ये सुप्रिया सुळे यांनी लवकरच गोड बातमी समजेल असं वक्तव्य केल्याने चर्चांना उधाण आले आहे.
सूत्रांच्या माहितीनुसार, शरद पवार गट एनडीएत सहभागी होण्याच्या चर्चा सुरू झाले असल्याचे सांगण्यात आले. यावर हे सूत्र आम्हाला रोज एक पक्षात पाठवत आहेत. फक्त मनसेमध्ये त्यांनी अद्याप आम्हाला पाठवले नाही, असा मिश्किल चिमटा सुळेंनी काढला आणि एकच हशा पिकला. आता ट्रम्पच्या नेतृत्वात काम करू अस मी एक जोक आमच्या ग्रुपमध्ये पाठवल्याचे त्यांनी सांगितले.
गेल्या दोन दिवसापासून मी जरा व्यथित आहे : खासदार सुप्रिया सुळे
फुटण्यासाठी आम्ही निवडून आलो नाही. तर पॉलिसी ठरवण्यासाठी आम्ही निवडून आलो आहोत. गेल्या दोन दिवसापासून मी जरा व्यथित आहे. कोण सूत्र आहेत मला माहिती नाही आमच्याबाबत मीडियात काही बातम्या सुरू आहेत, याविषयी सुप्रिया सुळेंनी नाराजी व्यक्त केली.
हेही वाचा : Gold Silver price: आज सोने, चांदी स्वस्त झाले कि महाग? ; वाचा आज नवीन भाव
यंदा बँड वाजवायचा. अजून एक गोड बातमी आहे ती तुम्हाला लवकर कळेल : सुप्रिया सुळे
गेल्या काही दिवसांपूर्वीच खासदार सुप्रिया सुळे यांची लेक रेवती सुळे यांचा विवाह मोठ्या थाटात संपन्न झाला. यानंतर आता पुन्हा एकदा पवार कुटुंबात लग्नीनघाई सुरू झाली आहे. पार्थ पवार यांचा कायनात धार यांच्यासोबत साखरपुडा ठरला असून त्याचा कार्यक्रम पुण्यात २९ जुलै रोजी होणार आहे. त्यामुळे पवार कुटुंबात आनंदाचे वातावरण आहे.
या पार्श्वभूमीवर सुप्रिया सुळे म्हणाल्या “आमच्याकडे लग्न सध्या सुरू आहेत. पहिले युगेंद्र, जय, मग रेवती आणि आता पार्थ पवारचे आहे. पवारांच्या मुलांनी ठरवलं आहे, यंदा बँड वाजवायचा. अजून एक गोड बातमी आहे ती तुम्हाला लवकर कळेल.” त्यामुळे आता ही गोड बातमी काय आहे याविषयी विविध चर्चा सुरू झाल्या आहेत.
लाडक्या बहिणींचे केवायसी का नाही करू शकले? सुळेंचा सवाल
मुख्यमंत्री लाडकी बहीण योजनेची SIT चौकशी करा अशी मागणी सुप्रिया सुळे यांनी केली आहे. “आठ लाख महिलांना केवायसी मधून काढलं. मनमोहन सिंग यांच्या काळात जनधन सुरू झाले. घरा घरात आधारकार्ड आहेत. जनधन योजनेचा डंका वाजवला मग लाडक्या बहिणींचे केवायसी का नाही करू शकले?” असा सवाल सुप्रिया सुळे यांनी सरकारला विचारला आहे.
