नीरा – बारामती येथे आरोग्य केंद्रात तसेच नीरा (ता. पुरंदर) येथील प्राथमिक आरोग्य केंद्रात काम करणाऱ्या नीरेतील करोनाबाधित आरोग्य सेविका व आरोग्य सेवक आज कोरोना मुक्त होऊन आज आपल्या घरी परतले आहेत. नीरेतील ग्रामस्थ व त्यांच्या सहकारी कर्मचारी व पत्रकारांनी त्यांचे गुलाब पुष्प देऊन व टाळ्या वाजवून स्वागत केले. यावेळी आपण लवकरच करोनाच्या लढाईत उतरणार असल्याचे त्यांनी सांगितले.

बारामतीच्या आरोग्य विभागात एन.आर. एच.एम अंतर्गत कार्यरत असलेल्या व मुळच्या नीरा-पिंपरे येथील रहिवासी असलेल्या व त्यांचे पती हे करोनावर मत करून आज आपल्या घरी सुखरूप परतले. यावेळी त्यांचे स्वागत मोठ्या उत्साहात करण्यात आले. या प्रसंगी प्राथमिक आरोग्य केंद्राचे कर्मचारी बाप्पू भंडलकर, भाऊ चव्हाण, तलाठी बाप्पूसाहेब देवकर, पुरंदर तालुका पत्रकार संघाचे उपाध्यक्ष राहुल शिंदे, सदस्य भरत निगडे, तसेच त्यांचे मित्र, सहकारी, उपस्थित होते.

बारामती येथे कार्यरत असलेल्या आरोग्य सेविका या बारामती शहरात राष्ट्रीय आरोग्या अभियाना अंतर्गत आरोग्य कर्मचारी म्हणून सेवेत असल्याने त्यांना दररोजचा सर्वे करणे क्रमप्राप्त होते. त्याच दरम्यान त्यांच्यासह त्यांच्या सोबत काम करणाऱ्या इतर सहकाऱ्यांना करोनाची लागण झाली होती. त्यांचे पती हे सुद्धा नीरा प्राथमिक आरोग्य केंद्रात आरोग्य सहाय्यक असल्याने त्यांनी वेळीच काळजी घेत त्यांना होम आयसोलेशनद्वारे उपचार सुरू केले. ते स्वत: या काळात आपल्या पत्नी सोबत होते. त्यांनाही गेली १६ दिवस होमकॉरंटाइन रहावे लागले. पण त्यांनी वर्क फ्रॉमहोम चालूच ठेवले होते. 

आरोग्यसेवा हीच ईश्वर सेवा माणून हे दाम्पत्य परिसरातील लोकांना सेवा देत असते. करोनामुक्त झाल्यानंतर हे दाम्पत्य आज आपल्या मूळ घरी परतले. यानंतर आता ते दोघे ही करोनाच्या रणांगणात पुन्हा लढा देण्यास सज्ज झाले आहेत. हे दाम्पत्य पुढील काही दिवसांत पुन्हा आपल्या आरोग्य सेवत रुजू होऊन लोकांना आरोग्य सेवा देत करोना संदर्भात जनजागृती करणार आहेत.