The Taj Story: बॉलिवूडमधील ज्येष्ठ अभिनेते परेश रावल पुन्हा एकदा चर्चेत आले आहेत. त्यांच्या आगामी चित्रपटाचा ट्रेलर नुकताच प्रदर्शित झाला असून या चित्रपटाचं नाव आहे ‘द ताज स्टोरी’. ट्रेलर रिलीज होताच सोशल मीडियावर या चित्रपटाबद्दल मोठी चर्चा सुरू झाली आहे.

काय आहे ‘द ताज स्टोरी’चा विषय?

ट्रेलरमध्ये परेश रावल ‘विष्णू दास’ नावाच्या मार्गदर्शकाची भूमिका साकारत आहेत. या कथेत ते ताजमहालच्या इतिहासावर प्रश्न उपस्थित करताना दिसतात. ते विचारतात,
“जगात असा कोणता मकबरा आहे ज्यावर गुम्बद आणि त्यावर कलश आहे? ताजमहालचं डीएनए टेस्ट व्हायला हवं.”

चित्रपटात ताजमहालच्या तळघरातील 22 बंद खोल्यांबद्दल देखील चर्चा होते. परेश रावल यांचं पात्र विचारतो,
“त्या 22 खोल्यांमध्ये काय होतं, जे एका रात्रीत भिंतींनी बंद करून टाकलं गेलं?”

कोर्टरूम ड्रामा आणि रहस्य

‘द ताज स्टोरी’मध्ये प्रेक्षकांना हाय वोल्टेज कोर्टरूम ड्रामा पाहायला मिळणार आहे. चित्रपटाची कथा ताजमहालभोवती फिरते आणि त्याच्या इतिहासाशी निगडित विविध दावे-प्रतिदावे दाखवले आहेत.

चित्रपटात कोण आहेत?

परेश रावल यांच्यासोबत या चित्रपटात जाकिर हुसैन, श्रीकांत वर्मा, बृजेंद्र काला, शिशिर शर्मा, अखिलेंद्र मिश्रा, नमित दास आणि कर्मवीर चौधरी हे कलाकार झळकणार आहेत.

कधी आणि कुठे पाहू शकता?

‘द ताज स्टोरी’ हा चित्रपट 31 ऑक्टोबर 2025 रोजी सिनेमागृहांमध्ये प्रदर्शित होणार आहे.

प्रेक्षकांची प्रतिक्रिया

ट्रेलर पाहिल्यानंतर काही प्रेक्षकांनी त्याची प्रशंसा केली आहे, तर काहींचं मत आहे की या चित्रपटामुळे वाद निर्माण होऊ शकतो. चित्रपटाचं दिग्दर्शन तुषार अमरीश गोयल यांनी केलं आहे.
एकूणच, ‘द ताज स्टोरी’ हा चित्रपट ताजमहालच्या रहस्यमय इतिहासावर आधारित असून, सत्य आणि अफवा यामधली सीमारेषा दाखवण्याचा प्रयत्न करतो.