The Sabarmati Report : बॉलिवूड अभिनेता विक्रांत मेस्सीच्या ‘द साबरमती रिपोर्ट’ या चित्रपटाला बॉक्स ऑफिसवर चांगला प्रतिसाद मिळाला. या चित्रपटाची कथा सत्य घटनांवर आधारित असून समीक्षकांनीही कौतुक केले होते. तर काहींनी या चित्रपटावर टीका देखील केली. या चित्रपटाची कथा गुजरातमधील गोध्रा हत्याकांडावर आधारलेली आहे. त्यामुळेच या चित्रपटाचे ट्रेलर लॉन्च झाल्यापासून त्यावर अनेकांकडून टीका झाली. या चित्रपटात विक्रांत मेस्सीने समर कुमार हे पात्र साकारलेले आहे. चित्रपटागृहानंतर आता हा चित्रपट OTT वर पाहण्याची पाहता येणार आहे. या चित्रटाचे डिजिटल अधिकार ZEE5 ने विकत घेतले आहेत आणि चित्रपट जानेवारी 2025 मध्ये ZEE5 वर OTT वर प्रदर्शित होईल. धीरज सरना दिग्दर्शित हा चित्रपट 10 जानेवारी रोजी OTT प्लॅटफॉर्म झी-5 वर प्रदर्शित होणार आहे. या चित्रपटात विक्रांत मेसी, राशी खन्ना, रिद्धी डोगरा, सुदीप वेद, हेला स्टिचल्मेयर, दिग्विजय पुरोहित, अभिशांत राणा, उर्वशी गोल्टर यांच्यासह इतरही दिग्गज कलाकार आहेत. काय आहे सिनेमाची कथा : ‘द साबरमती रिपोर्ट’ या चित्रपटात गुजरातमध्ये 2002 मध्ये घडलेल्या गोध्रा ट्रेन जळीतकांडाचा शोध घेणाऱ्या समर कुमार या हाडाच्या पत्रकारांची गोष्ट सांगण्यात आली आहे. अनेकांचा बळी गेलेल्या या दुर्दैवी घटनेमागील अस्वस्थ करणारी सत्ये समोर येत असताना, समर एका धोकादायक कटकारस्थानाचा उलगडा करतो. या कटात प्रभावशाली व्यक्ती सामील आहेत आणि आपल्या गुपितांचे रक्षण करण्यासाठी ते काहीही करण्यास तयार आहेत, हे तो दाखवून देतो. त्याचा हा शोध मणका राजपुरोहित थांबवते. पण काही वर्षांनी अमृता गिल या अजून एका रिपोर्टरला या छुप्या रिपोर्टचा छडा लागतो. सत्य सर्वांसमोर आणण्यासाठी समरच्या शोध अहवलाची मदत घेत ते दोघे एकत्रितपणे भ्रष्टाचार आणि फसवणुकीच्या जाळ्याचा उलगडा करतात. हा कट उघड करण्यासाठी सत्याचा शोध घेत असताना त्यांना अनेक धमक्या येतात, धोक्यांना सामोरे जावे लागते. ही थराराची, धाडसाची, भ्रष्टाचाराची आणि न्यायाचा शोध घेण्याची गोष्ट आहे.
