Reel Star Rohini Paradhye : सोशल मीडियावर लाखो फॉलोअर्स मिळवत लोकप्रिय झालेल्या रिलस्टार रोहिणी पाराध्ये यांच्या आत्महत्येने संपूर्ण सोलापूर जिल्हा हादरला आहे. रोहिणी यांनी इतके टोकाचे पाऊल का उचलले, याबाबत विविध चर्चा सुरू असतानाच त्यांच्या वैयक्तिक आयुष्याबाबत काही नवी माहिती समोर आली आहे. (Reel Star Rohini Paradhye)

सोशल मीडियावर मिळवली लोकप्रियता

मंगळवेढा तालुक्यातील ब्रह्मपुरी येथील रोहिणी पाराध्ये आणि त्यांचे पती निलेश पाराध्ये यांनी मिळून ‘हॉटेल ग्रामपंचायत’ हा व्यवसाय उभा केला होता. ढवरा मटन थाळीमुळे हे हॉटेल अल्पावधीत लोकप्रिय झाले. हॉटेलमधील दैनंदिन घडामोडींवर आधारित रिल्स तयार करून रोहिणी आणि निलेश यांनी सोशल मीडियावर मोठी लोकप्रियता मिळवली होती. (Reel Star Rohini Paradhye)

मात्र २६ मे रोजी दुपारी रोहिणी यांनी स्वतःच्या घरातील स्वयंपाकघरात गळफास घेत जीवन संपवले. त्यांना तातडीने रुग्णालयात नेण्यात आले, मात्र उपचारापूर्वीच त्यांचा मृत्यू झाल्याचे डॉक्टरांनी घोषित केले. (Reel Star Rohini Paradhye)

रोहिणी आणि निलेश यांचा प्रेमविवाह

रोहिणी आणि निलेश यांचा प्रेमविवाह झाला होता. आंतरजातीय विवाहानंतर काही काळ ते पुण्यात वास्तव्यास होते. त्याच काळात दोघेही सोशल मीडियावर सक्रिय झाले. नंतर मूळ गावी परतल्यानंतर त्यांनी हॉटेल व्यवसाय सुरू केला आणि त्याला मोठे यश मिळाले. (Reel Star Rohini Paradhye)

‘या’ कारणामुळे वाढला तणाव?

व्यवसाय वाढत गेल्यानंतर हॉटेल ग्रामपंचायतच्या आणखी दोन शाखा सुरू करण्यात आल्या. मात्र वाढता व्याप, आर्थिक नियोजन आणि शाखांचे व्यवस्थापन यामुळे तणाव वाढल्याची चर्चा स्थानिक पातळीवर सुरू आहे. या कारणांमुळे पती-पत्नीमध्ये मतभेद निर्माण होत असल्याची माहिती समोर येत आहे. मात्र आत्महत्येमागील नेमके कारण अद्याप स्पष्ट झालेले नाही. (Reel Star Rohini Paradhye)

दरम्यान, रोहिणी यांचे हे दुसरे लग्न असल्याची माहितीही समोर आली आहे. पहिल्या विवाहातून विभक्त झाल्यानंतर त्यांची निलेश यांच्याशी ओळख झाली आणि दोघांनी प्रेमविवाह केला होता. (Reel Star Rohini Paradhye)

सध्या मंगळवेढा पोलिसांनी अकस्मात मृत्यूची नोंद केली असून या प्रकरणाचा सखोल तपास सुरू आहे. आत्महत्येमागील नेमके कारण तपासानंतरच स्पष्ट होणार असल्याचे पोलिसांकडून सांगण्यात आले आहे. (Reel Star Rohini Paradhye)