नवी दिल्ली : चंदीगड गर्ल हरनाझ संधूने विश्वसुंदरीचा किताब मिळवला आहे. या स्पर्धेची अंतिम फेरी पार पडली आहे. तब्बल २१ वर्षानंतर भारताला मिस यूनिवर्सचा खिताब मिळाला आहे.  तिच्या आधी 21 वर्षांपूर्वी लारा दत्ताने २००० साली मिस युनिव्हर्सचा खिताब जिंकला होता. 21 वर्षीय हरनाज संधूने नुकताच ‘मिस डीवा मिस यूनिवर्स इंडिया 2021’ खिताब आपल्या नावे केला. त्यानंतर हरनाझने मिस युनिवर्स स्पर्धेची तयारी सुरु केली होती.

यंदाचे विश्वसुंदरी स्पर्धेचं 70वं वर्ष आहे. हरनाझनं भारताचा मान जागतिक स्पर्धेत उंचावत ‘Miss Universer 2021’ किताबाची मानकरी ठरली आहे. हरनाझच्या विजयाची बातमी मिस युनिव्हर्स ऑर्गनायझेशनच्या अधिकृत इंस्टाग्राम आणि ट्विटर अकाउंटवरून पोस्ट करण्यात आली.

इस्रायलमध्ये आयोजित कार्यक्रमात हरनाझला मुकुट घातला गेला तो क्षण त्यांनी शेअर केला आहे. “नवीन मिस युनिव्हर्स आहे…इंडिया,” असं कॅप्शन त्या व्हिडीओला देण्यात आलंय. क्लिपमध्ये मेक्सिकोची मिस युनिव्हर्स २०२० आंद्रिया मेझा भावनिक झालेल्या हरनाझला मुकुट घालताना दाखवली आहे.

The new Miss Universe is…India!!!! #MISSUNIVERSE pic.twitter.com/DTiOKzTHl4

— Miss Universe (@MissUniverse) December 13, 2021

चंदीगडच्या हरनाझ संधूचा जन्म शीख कुटुंबात झाला. फिटनेस आणि योगाची आवड असलेल्या हरनाझने किशोरवयातच सौंदर्य स्पर्धांमध्ये भाग घेण्यास सुरुवात केली. तीने २०१७ मध्ये मिस चंदीगडचा किताब जिंकला होता. २०१८ मध्ये, तिला मिस मॅक्स इमर्जिंग स्टार इंडिया २०१८ चा अवॉर्ड मिळाला होता. दोन प्रतिष्ठित खिताब जिंकल्यानंतर, हरनाझने मिस इंडिया २०१९ मध्ये भाग घेतला. तिथे तिने टॉप १२ स्पर्धकांमध्ये स्थान मिळवले. या वर्षी सप्टेंबरमध्ये तिने मिस दिवा युनिव्हर्स इंडिया २०२१ चा मुकुट पटकावला. ती पब्लिक एडमिनिस्ट्रेशनमध्ये पदव्युत्तर पदवी घेत आहे.

हरनाझने मिळवलेले किताब
2017 – टाईम्स फ्रेश फेस मिस चंदीगड
2018 – मिस मॅक्स इमर्जिंग स्टार
2019 – फेमिना मिस इंडिया पंजाब
2021 – मिस युनिवर्स इंडिया
2021 – मिस युनिवर्स