Donald Trump – इराणसोबत सुरू असलेल्या युद्धाच्या तिसऱ्या आठवड्यात राष्ट्राध्यक्ष डोनाल्ड ट्रम्प (Donald Trump ) यांच्यासमोर त्यांच्या कार्यकाळातील सर्वात मोठे आव्हान उभे ठाकले आहे. इराणकडे असलेला सुमारे ९७० पाउंड (४४० किलो) संवर्धित युरेनियमचा साठा सुरक्षित करण्यासाठी अमेरिकन पायदळ इराणमध्ये उतरवायचे की नाही, यावर ट्रम्प प्रशासन सध्या गंभीर विचारमंथन करत आहे. इराणकडे ‘कधीही अण्वस्त्र नसावे’, हे या युद्धाचे प्राथमिक उद्दिष्ट असल्याचे ट्रम्प यांनी वारंवार सांगितले आहे. गेल्या वर्षी जूनमध्ये अमेरिकेने केलेल्या बॉम्बफेकीत इराणचे अणूप्रकल्प उद्ध्वस्त झाल्याचा दावा ट्रम्प यांनी केला होता. Donald Trump मात्र, अणूतज्ज्ञांच्या मते, बॉम्बफेकीमुळे प्रकल्पांचे ढिगारे झाले असले, तरी त्याखाली आजही ‘बॉम्ब-ग्रेड’ युरेनियमचा मोठा साठा गाडला गेलेला आहे. हा साठा जप्त करणे किंवा नष्ट करणे, हे अमेरिकन सैन्याच्या प्रत्यक्ष उपस्थितीशिवाय अशक्य असल्याचे तज्ज्ञांचे म्हणणे आहे. Donald Trump Donald Trump Next Target: सिनेटचे सदस्य रिचर्ड ब्लुमेंथल यांच्या मते, इराणमधील युरेनियम साठा ताब्यात घेण्यासाठी जमिनीवर प्रत्यक्ष लष्करी कारवाई गरजेची आहे. मात्र, ट्रम्प यांनी यापूर्वी अमेरिकेला मध्य-पूर्वेतील रक्तपाताच्या युद्धात न अडकवण्याचे आश्वासन दिले होते, ज्यामुळे हा निर्णय त्यांच्यासाठी राजकीयदृष्ट्या कठीण बनला आहे. जर इराणमधील कट्टरवाद्यांनी हा साठा पुन्हा मिळवला, तर ते भविष्यातील अमेरिकन आणि इस्रायली हल्ल्यांपासून संरक्षण मिळवण्यासाठी १० हून अधिक अणूबॉम्ब बनवू शकतात, अशी भीती तज्ज्ञांनी व्यक्त केली आहे. प्रशासनाची भूमिका… Donald Trump लष्करी तज्ज्ञांच्या मते, इराणच्या आकाशात पूर्ण वर्चस्व मिळवल्यानंतर ‘स्पेशल ऑपरेशन्स’ दलाद्वारे ही मोहीम राबवता येईल. मात्र, ढिगाऱ्याखालून युरेनियम काढण्यासाठी अवजड बांधकामे आणि मोठ्या मशिनरीची गरज लागेल, ज्यासाठी किमान १,००० सैनिकांची तुकडी प्रत्येक ठिकाणी तैनात करावी लागेल. संरक्षणमंत्री पेट हेगसेथ यांनी आमच्याकडे सर्व पर्याय खुले आहेत असे म्हणत रणनीती उघड करण्यास नकार दिला आहे. नॅशनल इंटेलिजन्सच्या संचालिका तुलसी गॅबार्ड यांनी सांगितले की, अमेरिका इराणच्या हालचालींवर बारीक लक्ष ठेवून आहे, परंतु सध्या तरी इराणने अणूप्रकल्प पुन्हा उभारण्याचा प्रयत्न केलेला नाही. ट्रम्प आता इराणमधील या ‘अणुखजिन्याला’ नष्ट करण्यासाठी मोठी लष्करी जोखीम पत्करणार की नाही, याकडे जगाचे लक्ष लागले आहे.
