Amol Mitkari : महाराष्ट्राच्या राजकारणात नव्या वादाला तोंड फुटलं आहे. त्याला कारण आहे काँग्रेस पक्षाने सोशल मीडियावरून केलेलं एक ट्वीट. या ट्वीटमधून राज्याच्या उपमुख्यमंत्री आणि राष्ट्रवादी काँग्रेस पक्षाच्या राष्ट्रीय अध्यक्षा सुनेत्रा पवार यांचं नाव घेत त्यांचा ‘गुंगी गुडाया’ असा उल्लेख करण्यात आला आहे. यानंतर राष्ट्रवादी काँग्रेस पक्षात संतापाची तीव्र लाट उसळली असून राष्ट्रवादी काँग्रेस पक्षाचे नेते माजी आमदार अमोल मिटकरी यांनी या टीकेचा समाचार घेत कडक शब्दांत टीकाकारांना इशारा दिला आहे.

“आज या लोकांनी वापरलेली भाषा यांना जड जाईल.” असा शब्दांत अमोल मिटकरी यांनी सोशल मीडियावरुन पोस्ट करत इशारा दिला. बीड दौऱ्यादरम्यान कायदा आणि सुव्यवस्थेच्या प्रश्नावर बोलताना राष्ट्रवादी काँग्रेसच्या नेत्या सुनेत्रा पवार यांच्या भूमिकेवर टीका करण्यात आली. काँग्रेसने “सुनेत्रा पवार अजून किती दिवस ‘गुंगी गुडिया’ बनून राहणार?” असा सवाल सोशल मीडियावर पोस्टद्वारे केला. या टीकेवरूनच राज्याच्या राजकारणात मोठा वाद पेटला आहे.  (Amol Mitkari)

बीडमधील कायदा आणि सुव्यवस्थेच्या परिस्थितीवर भाष्य करताना सुनेत्रा पवार यांनी याबाबत स्पष्ट भूमिका घ्यावी, अशी मागणी काँग्रेसकडून करण्यात आली. मात्र, टीका करताना गुंगी गुडिया असा उल्लेख करण्यात आल्याने या टीकेचं रुपांतर आता मोठ्या वादात झालं असून राजकारण चांगलचं तापलं आहे.   (Amol Mitkari)

सुनेत्रा पवार, अजून किती दिवस “गुंगी गुडिया” बनून राहतील ! pic.twitter.com/1Cgj9dZfBq

— Maharashtra Congress (@INCMaharashtra) August 3, 2026

सुनेत्रा पवार अजून किती दिवस गुंगी गुडिया बनून राहतील असं ट्वीट काँग्रेस पक्षाच्या अधिकृत सोशल मीडिया अकाऊंटवरुन करण्यात आलं आहे.

राज्याच्या पहिल्या उपमुख्यमंत्री सुनेत्राताई पवार यांना कांग्रेसने आपल्या अधिकृत अकाउंट वरून केलेली एक्स पोस्ट ही त्यांच्या वैचारिक दिवाळखोरीचे जाहीर प्रदर्शन करतेच व आपल्या इतिहास विसरल्याचे ही जाणीव करून देते.देशाच्या माजी पंतप्रधान आयर्न लेडी श्रीमती इंदिराजी गांधी यांना १९६६…

— आ. अमोल गोदावरी रामकृष्ण मिटकरी (@amolmitkari22) August 4, 2026

अमोल मिटकरी काय म्हणाले?  (Amol Mitkari)

“राज्याच्या पहिल्या उपमुख्यमंत्री सुनेत्राताई पवार यांना काँग्रेसने आपल्या अधिकृत अकाउंटवरून केलेली एक्स पोस्ट ही त्यांच्या वैचारिक दिवाळखोरीचे जाहीर प्रदर्शन करतेच व आपल्या इतिहास विसरल्याचे ही जाणीव करून देते. देशाच्या माजी पंतप्रधान आयर्न लेडी श्रीमती इंदिराजी गांधी यांना १९६६ च्या दरम्यान विरोधकांनी असेच शब्द वापरले होते हे कदाचित काँग्रेसचे अकाउंट चालवणाऱ्या लावारीस लेकराना माहीत नसेल.आज या लोकांनी वापरलेली भाषा यांना जड जाईल. तुर्तास इतकेच”  (Amol Mitkari)

Sanjay Raut : “मोठी क्रांती झाली असे मी म्हणणार नाही, पण…”; पोटनिवडणूक निकालावर संजय राऊतांची प्रतिक्रिया चर्चेत