तरुण प्रोफेशनल्सनी अगदी सुरुवातीपासूनच गुंतवणूक करण्याचा निर्णय घेणे खूप महत्त्वाचे आहे. तुम्ही पदवीधर झाला असाल आणि करिअरची सुरुवात केली असेल तर बचत करण्याची योग्य वेळ हीच आहे. स्वत:साठीच्या पुरेशा खर्चासाठी पैसे बाजूला ठेवून दीर्घकालीन योजना आखण्यासंबंधीचा दृष्टिकोन योग्य असू शकतो. वेळोवेळी गुंतवणूक केल्याने व्याज वाढेल. त्यामुळे कार, मालमत्ता खरेदी किंवा सुटीवर जाण्याची वैयक्‍तिक इच्छा होईल तेव्हा पैशांचा झालेला संचय कामाला येईल. तरुणपणी गुंतवणूक केल्याने होणाऱ्या फायद्यांबद्दल माहीती.

1. चक्रवाढ व्याज लक्षात ठेवून बचत करणे: एखाद्या पदवीधराला नवी नोकरी लागते तेव्हा खर्च कमी असतो, असे बहुतांशवेळा दिसून येते. त्यामुळे याच काळात लहान रकमेची बचत आणि चक्रवाढ व्याज घेत, वेळोवेळी संपत्ती कशी वाढवता येईल, हे पाहणे योग्य ठरते. पगार जमा होतो तेव्हा तो रिकरिंग डिपॉझिट, फिक्‍सड डिपॉझिट, प्रोव्हिडंट फंड इत्यादीमध्ये जमा करता येतो. त्यामुळे काही काळानंतर पैसे वाढतात व संबंधित व्यक्‍तीला जेव्हा गरज असते, तेव्हा ते उपयुक्त ठरू शकतात. सतत बचत केल्यानंतर 30 ते 40 वर्षांनंतर त्यांची रक्‍कम किती होईल, याची कल्पना करा. त्यामुळे निवृत्तीचा निर्णय घेतल्यानंतर अशा व्यक्‍तीला आराम मिळू शकतो.

2. 21 व्या शतकात गुंतवणूक करणे सोपे: आजच्या तरुण पिढीमध्ये एक नवा प्रवाह दिसून येतो. बॅंक आणि इतर वित्तीय सेवा प्रदात्यांकडून मिळालेले विविध पर्याय आजमावून पाहण्यात त्यांना कमालीचा रस आहे. 1990 किंवा 2000 च्या सुरुवातीच्या काळाप्रमाणे किचकट न भासता ही सर्व प्रक्रिया आता एका क्‍लिकवर उपलब्ध झाली आहे. बॅंका, ब्रोकरेज फर्म, म्युच्युअल फंड इत्यादींसारख्या वित्तीय संस्थांनी त्यांचे स्वत:चे ऍप लॉंच केले असून त्यातून लाखो तरुणांमध्ये मोठी उत्सुकता निर्माण झाली आहे. त्यांनी केवळ गुंतवणूक करायला सुरुवात केली असे नाही तर म्युच्युअल फंड्‌स, बॉंड्‌स, स्टॉक व कमोडिटीज्‌ मार्केटमध्ये गुंतवणूक करण्याची माहिती ते घेत आहेत.

3. कुटुंबाच्या भविष्यासाठी नियोजन: वैयक्तिक आयुष्य जगताना भविष्यात अनेक जबाबदाऱ्या जोडल्या जातात. त्यामुळे वित्तीय नियोजन नसेल तर मोठा त्रास भोगावा लागू शकतो. एखाद्याचे लग्न झाले, मूल झाले तर खर्च चौपट होऊ शकतो. यातच नियोजनशून्य दृष्टिकोन असेल तर आणखी मोठा खर्च झेलावा लागू शकतो. लवकर गुंतवणूक केल्यास एक सुरक्षिततेची जाणीव होते. मग कुटुंबात जेव्हा तीव्र गरज असते, घरात आवश्‍यक वस्तू खरेदी करायच्या असतात, तेव्हा याचा फायदा होतो.

4. अनपेक्षित करिअर बदल: जगातील इंडस्ट्रीमध्ये वेगात बदल होत असताना कामाच्या ठिकाणीही बदल होऊ शकतो. एखाद्या स्त्री किंवा पुरुषाने एखाद्या परिस्थितीत करिअर सुरू करण्याची योजना आखली असेल. मात्र, नंतर परिस्थिती बदलत जाते. पण तरुण वयापासूनच वित्तीय दृष्टिकोनातून निर्णय घेतले गेल्यास करिअरमधील महत्त्वाचे निर्णय सहजपणे घेता येतात. एखादा अतिरिक्‍त शैक्षणिक अभ्यासक्रम करू शकतो किंवा जगाच्या सफरीवर जाऊ शकतो. गुंतवणूक नियोजन केल्याने लोकांना असंख्य संधी आणि स्वातंत्र्य मिळू शकते.

5. जोखीम पत्करण्याची संधी मिळते : तरुणांमध्ये जोखीम पत्करण्याची क्षमता जास्त असली तरीही कुटुंब तयार करण्याच्या टप्प्यावर येताना त्यांना आयुष्यातील मोठी गुंतवणूक करण्याची वेळ येते. मोठ्या मार्जिनसाठी निवृत्तीची योजना आकाराला येईपर्यंत अस्थिर पोर्टफोलिओची निवड करता येते. मार्केटमध्ये गॅंबलिंग करण्यासाठी पुरेसे भांडवल मिळवण्याकरिता बचतीची सोय होते. तसेच काही कल्पनाही आकारास येऊ शकतात. सुरुवातीच्या 20 वर्षांत बचत करायला शिकल्यास लोकांना नवा बिझनेसदेखील सुरू करता येऊ शकतो.

– जयकिशन परमार.