Maharashtra Weather Update : राज्यात उन्हाचा तडाखा वाढला! ‘या’ जिल्ह्यात नोंदवले गेले सर्वाधिक तापमान

Maharashtra Weather Update : फेब्रुवारी संपल्यानंतर मार्चच्या सुरुवातीपासूनच राज्यातील वातावरणात उष्णतेचा बदल जाणवू लागला आहे. रात्रीही उकाडा जाणवत असून, यंदाचा उन्हाळा तीव्र स्वरूपाचा राहण्याची शक्यता आहे.

हवामान विभागाच्या (IMD) निरीक्षणानुसार, पूर्वेकडून कोकणाकडे वाहणाऱ्या उष्ण वाऱ्यांमुळे मुंबई महानगर प्रदेशासह लगतच्या परिसरात उष्णतेची लाट आली आहे. त्यामुळे राज्यभरात उन्हाचा तडाखा वाढला आहे. उष्णतेची लाट विदर्भातील अकोला जिल्ह्यात नोंदवली गेली आहे.

सोमवार, ९ मार्च रोजी येथे कमाल तापमान ४०.९ अंश सेल्सिअस पर्यंत पोहोचले. हवामान विभागानुसार, कमाल तापमान ४० अंश सेल्सिअस पेक्षा जास्त असून सरासरीच्या तुलनेत ४.५ अंश किंवा त्याहून अधिक वाढ झाल्यास उष्णतेची लाट घोषित केली जाते.