नवी दिल्ली : कोरोनाच्या दुसऱ्या लाटेने देशात कहर केला आहे. रोज ३ लाखांपेक्षा जास्त बाधितांची नोंद होताना पाहायला मिळत आहे. कोरोनाच्या या लाटेत सर्वाधिक तरूणांना लागण झाल्याचे समोर आले. दरम्यान, काही दिवसापूर्वी सोशल मीडियावर ‘लव्ह यु जिंदगी’ असं म्हणणारी एक तरुणी कोरोनाशी लढत असल्याचे दिसत होते. मात्र तिची ही लढाई अखेर अपयशी झाली आहे. तिचा अखेर कोरोनामुळे मृत्यू झाला असल्याचे सांगण्यात येत आहे.

दिल्लीतील एका रुग्णालयात भरती असलेल्या ३० वर्षीय कोरोना रुग्ण तरूणीचा व्हिडीओ सोशल मीडियावर व्हायरल झाला होता. हॉस्पिटलमधील इमरजेंसी फिजिशियन डॉक्टर मोनिका लेंगे यांनी स्वतः या तरूणीचा व्हिडीओ शेअर करून कौतुकही केले होते. सोशल मीडियावर हा व्हिडीओ तुफान व्हायरल झाला होता. त्यात त्यांनी तरुणीच्या धाडसाचे कौतुक केले होते. आता त्याच डॉक्टरांनी व्हिडीओ शेअर करत तिच्या निधनाची बातमी दिली आहे.

दुर्दैवाने, ती हिची लढाई जिंकू शकली नाही. “ आपण एक शूर असा आत्मा गमावला आहे… ओम शांती. स्वतःच्या मुलीला कुटुंबीयांनी गमावले आहे हे सहन करण्याची ताकत देव त्यांना देवो ही प्रार्थना, असे डॉ. लेंगे यांनी ट्विटमध्ये म्हटले आहे.

I am very sorry..we lost the brave soul..
ॐ शांति .. please pray for the family and the kid to bear this loss🙏😭 https://t.co/dTYAuGFVxk

— Dr.Monika Langeh🇮🇳 (@drmonika_langeh) May 13, 2021

दरम्यान, काही दिवसापूर्वी डॉ. मोनिका लेंगे यांनी ट्विटरवर एक व्हिडिओ शेअर केला होता. व्हिडिओमध्ये, मुलीच्या तोंडावर ऑक्सिजनचा मास्क आहे आणि ‘लव्ह यू झिंदगी …’ हे गाणे चालू आहे. डॉक्टर मोनिकाने कॅप्शनमध्ये लिहिले होते कि, ‘ही मुलगी केवळ 30 वर्षांची आहे आणि तिला आयसीयू बेड मिळालेला नाही.

She is just 30yrs old & She didn’t get icu bed we managing her in the Covid emergency since last 10days.She is on NIVsupport,received remedesvir,plasmatherapy etc.She is a strong girl with strong will power asked me to play some music & I allowed her.
Lesson:”Never lose the Hope” pic.twitter.com/A3rMU7BjnG

— Dr.Monika Langeh🇮🇳 (@drmonika_langeh) May 8, 2021

कोविड इमरजेंसीमध्ये गंभीर स्थितीत उपचार सुरू झाले. गेल्या 10 दिवसांपासून उपचार सुरू होते. एनआयव्ही सहाय्य करत आहे, तिला रेमेडिसवीर देण्यात आला आहे आणि प्लाझ्मा थेरपी देखील केली आहे. मुलीची इच्छाशक्ती जोरदार आहे. आज तिने मला गाणे वाजवण्यास सांगितले. मी मान्य केले. कधीही हार मानू नका.

सोशल मीडियावर हा व्हिडीओ ८ मे रोजी शेअर करण्यात आला होता. त्यानंतर या व्हिडीओला ९ लाखांपेक्षा अधिकवेळा पाहिले गेले आहे. तर ४० हजारापेक्षा जास्त लाईक्स आणि ८ हजारांपेक्षा जास्ति रिट्विट्स या व्हिडीओला मिळाले आहेत. कमेंट्स सेक्शनमध्ये या मुलीचे कौतुक करण्यासाठी लोकांनी कमेंट्स केल्या होत्या. मात्र या सर्वांच्या शुभेच्छा देखील काही कामी आल्या नसल्याचे दिसत आहे.