Jayant Patil On Ajit Pawar – एकनाथ शिंदे यांच्या पक्षाला श्रेय जात आहे म्हणून श्रेयवादाच्या लढाईसाठी अजितदादांना व्हिडिओ करावा लागला असेल असा टोला राष्ट्रवादीच्या शरद पवार गटाचे नेते जयंत पाटील यांनी लगावला आहे. तसेच अर्थसंकल्प सादर केल्यांनतर असा व्हिडिओ करणे ही इतिहासातील पहिलीच वेळ असेल असा टोलाही त्यांनी लगावला आहे.

उपमुख्यमंत्री अजित पवार यांनी जनतेसाठी खासदार व्हिडिओ जारी केला आहे. याबाबत बोलतांना पाटील यांनी खोचक शब्दांत टीका केली आहे. ते म्हणाले, अर्थसंकल्प सादर करण्यात आल्यानंतर व्हिडिओमधून जनतेला सांगावे लागत आहे, ही इतिहासातील पहिलीच वेळ असेल.

अजित पवार यांच्यावर देशाचे पंतप्रधान आणि अजितदादांच्या शेजारी बसणाऱ्यांनी आरोप केले. बैलगाडी भरून पुरावे सादर केले. ज्यांनी अजितदादांवर आरोप केले आहेत. त्यांच्यासोबतच गेल्याने आरोप कधीच सिद्ध होणार नाहीत, असे भाष्यही पाटील यांनी केले आहे.

घसरलेली लोकप्रियता मिळवणे…
तसेच अर्थसंकल्पातील घोषणा या खऱ्या ठरणार नाहीत. दोन- तीन महिने योजनेतील पैसे दिले जातील. त्यानंतर काही तरी कारण सांगून त्या योजना थांबतील. लोकप्रियता मिळवण्याच्या घोषणा या लोकसभेतील झटक्यामुळे आहेत.

महाविकास आघाडीने लोकसभेत जनतेला आश्वासने दिली. आमचे सरकार आल्यावर आम्ही जनतेला दिलासा देणार आहोत. मात्र घसरलेली लोकप्रियता मिळवणे हा अर्थसंकल्पाचा प्रयोग आहे, असे जयंत पाटील म्हणाले.