Thai Footballer Sophwan Awae Dies Lightning Strike Match Southern Thailand Golok FA Cup : दक्षिण थायलंडमध्ये (Southern Thailand) फुटबॉल सामन्यादरम्यान एक अत्यंत भीषण आणि थरारक दुर्घटना घडली आहे. स्थानिक फुटबॉल सामन्यात खेळत असताना अंगावर कडकडून वीज कोसळल्याने २४ वर्षीय फुटबॉलपटू सोफवान अवाए (Sophwan Awae) याचा वेदनादायक मृत्यू झाला, तर इतर १२ खेळाडू गंभीर जखमी झाले आहेत. या घटनेचा अंगावर काटा आणणारा व्हिडीओ सोशल मीडियावर प्रचंड व्हायरल झाला आहे, ज्यामध्ये पाऊस सुरू असताना अचानक मैदानावर वीज पडल्याचे आणि मोठा स्फोट झाल्याचे दिसत आहे.

गोलोक एफए कप दरम्यान घडली घटना!

‘द इंडिपेंडेंट’च्या वृत्तानुसार, ही काळीज पिळवटून टाकणारी घटना स्थानिक ‘गोलोक एफए कप’ (Golok FA Cup) स्पर्धेदरम्यान घडली. हा सामना सोफवान अवाएचा संघ ‘SAMCOLTS’ आणि ‘अबू x नोंग सिरिन’ या दोन संघांमध्ये खेळवला जात होता. विंगर म्हणून खेळणारा २४ वर्षीय सोफवान अवाए वीज पडल्याने गंभीर जखमी झाला होता.

A football player was killed and 12 others were injured after a lightning strike hit the field during a match in Thailand. pic.twitter.com/XLAMhPxqgV

— Daily Loud (@DailyLoud) August 6, 2026

पोलीस प्रमुख थुन सिरिखुंट यांनी दिलेल्या माहितीनुसार, आपत्कालीन वैद्यकीय पथकाने त्याला वाचवण्याचा आटोकाट प्रयत्न केला, परंतु गंभीर दुखापतींमुळे उपचारादरम्यान त्याचा मृत्यू झाला. ‘फुटबॉल असोसिएशन ऑफ थायलंड’ने या घटनेवर दुःख व्यक्त करत अवाएच्या कुटुंबियांप्रती संवेदना प्रकट केल्या आहेत.

हेही वाचा – Gambhir Test Speech : ‘१५ ऑगस्टच्या पूर्वी ‘या’ बाबतीत कोणतीही कसर नको!’, मालिकेपूर्वी गौतम गंभीरचा टीम इंडियाला ‘गुरु’ मंत्र

थायलंडमध्ये वीज पडण्याचे प्रमाण चिंताजनक!

Horror Moment as Lightning Strike Kills Thai Footballer Mid-Match – WARNING: Disturbing Footage

Emergency crews rushed to the scene, but the player died from his injuries, police said.

Twelve other players also suffered burns after the deadly bolt struck the pitch, as per local… pic.twitter.com/j9wRxsuFBg

— RT_India (@RT_India_news) August 5, 2026

थायलंडच्या ‘डिपार्टमेंट ऑफ डिसीज कंट्रोल’च्या आकडेवारीनुसार, २०२० ते २०२४ या काळात देशभरात विजेच्या तावडीत सापडून तब्बल २८३ लोकांचा मृत्यू झाला आहे. सोशल मीडियावर या घटनेनंतर हळहळ व्यक्त केली जात असून पावसाच्या वातावरणात सामने खेळवणाऱ्या लीग व्यवस्थापनाच्या निष्काळजीपणावरही नेटकऱ्यांनी तीव्र संताप व्यक्त केला आहे.