Gautam Gambhir Speech ahead IND vs SL Test Series Practice Match : भारत आणि श्रीलंका यांच्यातील दोन सामन्यांची कसोटी मालिका १५ ऑगस्टपासून सुरू होत आहे. या मालिकेपूर्वी भारतीय संघ ७ ऑगस्टपासून ‘श्रीलंका इलेवन’विरुद्ध तीन दिवसीय सराव सामना खेळणार आहे. या सामन्यापूर्वी भारतीय संघाचे मुख्य प्रशिक्षक गौतम गंभीर (Gautam Gambhir) यांनी खेळाडूंशी संवाद साधत त्यांना शारीरिक आणि मानसिकदृष्ट्या सज्ज राहण्याचा कडक संदेश दिला आहे. बीसीसीआयने सोशल मीडियावर गंभीर यांच्या या भाषणाचा विशेष व्हिडिओ शेअर केला आहे.  (Gambhir Test Speech)

“तयारीत कोणतीही कसर सोडू नका!”  (Gambhir Test Speech)

खेळाडूंना संबोधित करताना गंभीर म्हणाले, “आपल्यासमोर काय आव्हान आहे आणि आपण कशासाठी खेळत आहोत, याची स्पष्ट कल्पना सर्वांना असायला हवी. खेळाडूंनी स्वतःच्या सीमा ओलांडून कठोर परिश्रम केले पाहिजेत. १५ ऑगस्टच्या सकाळी आपल्याला प्रथम फलंदाजी करावी लागो किंवा गोलंदाजी, आपण प्रत्येक परिस्थितीसाठी आणि आव्हानासाठी १००% तयार असले पाहिजे. मैदानात उतरण्यापूर्वी आपल्या तयारीमध्ये कोणतीही कसर राहता कामा नये.” सध्या भारत जागतिक कसोटी अजिंक्यपद (WTC) गुणतालिकेत ४८.१५% गुणांसह पाचव्या, तर श्रीलंका ४१.६७% गुणांसह सहाव्या स्थानावर आहे.

नव्या खेळाडूंचे अन् फील्डिंग कोचचे स्वागत!  (Gambhir Test Speech)

The focus shifts to Test Cricket 🏏

Welcoming new additions to the squad as #TeamIndia begin the preparations in Colombo 🏟️

WATCH 🎥🔽 #SLvIND https://t.co/Q2IvHhneDA

— BCCI (@BCCI) August 6, 2026

यावेळी गौतम गंभीर यांनी संघात पहिल्यांदाच स्थान मिळवणाऱ्या आकिब नबी (Auqib Nabi) आणि ऑफ-स्पिन ऑलराउंडर सारांश जैन (Saransh Jain) यांचे विशेष अभिनंदन केले. आकिब नबीचे कौतुक करताना गंभीर म्हणाले, “आकिबने देशांतर्गत क्रिकेटमध्ये खोऱ्याने बळी घेत जम्मू-काश्मीरला रणजी चॅम्पियन बनवण्यात मोलाची भूमिका बजावली आहे.”   (Gambhir Test Speech)

हेही वाचा – BCCI Fitness Rules : भारतीय खेळाडूंच्या दुखापतींमुळे बीसीसीआय आक्रमक! आता फिटनेस सिद्ध करण्यासाठी ‘ही’ टेस्ट अनिवार्य

याशिवाय गंभीर यांनी संघाचे नवे क्षेत्ररक्षण प्रशिक्षक (Fielding Coach) सुभादीप घोष यांचेही संघात स्वागत केले आणि त्यांच्या अनुभवाचा संघाला मोठा फायदा होईल असा विश्वास व्यक्त केला. मालिकेतील पहिला सामना गॉल येथे, तर २३ ऑगस्टपासून दुसरा सामना कोलंबो येथील सिंहलीज स्पोर्ट्स क्लबच्या मैदानावर खेळवला जाईल.