BJP Poster On Uddhav Thackeray | मुंबईतील बेस्ट कर्मचारी सहकारी पतपेढी निवडणुकीत उद्धव ठाकरे यांची शिवसेना आणि राज ठाकरे यांच्या मनसेच्या उत्कर्ष पॅनलला 21 पैकी एकही जागा जिंकता आली नाही. पहिल्यांदाच एकत्र आलेल्या या युतीला शशांक राव यांच्या पॅनलने 14 जागांसह स्पष्ट बहुमत मिळवत मात दिली.

तर महायुतीच्या समृद्धी पॅनलला सात जागांवर समाधान मानावे लागले. ठाकरे बंधुंच्या युतीमुळे या निवडणुकीला महत्त्व प्राप्त झाले होते. मात्र ठाकरे बंधुला या निवडणुकीत भोपळा मिळाल्याने आता भाजपकडून पोस्टरबाजी करत केवळ उद्धव ठाकरेंना डिवचण्यात आले आहे.

राज ठाकरेंचा फोटो किंवा मनसेला उद्देशून कोणताही उल्लेख नाही 

दादरच्या शिवसेना भवन परिसरात भाजपाची जोरदार बॅनरबाजी पाहायला मिळत आहे. विशेष म्हणजे भाजपाने हा बॅनरद्वारे फक्त उद्धव ठाकरेंवर टीका केल्याचे दिसत आहे. या बॅनरवर राज ठाकरेंचा फोटो किंवा मनसेला उद्देशून कोणताही उल्लेख करण्यात आला नसल्याने विशेष चर्चा रंगली आहे.

शिवसेना भवन परिसरात बॅनरबाजी

ठाकरे ब्रँड कोमात, स्वदेशी देवाभाऊ जोमात, असे लिहून शिवसेना भवन परिसरात बॅनरबाजी करण्यात आली आहे. या बॅनरवर मुख्यमंत्री देवेंद्र फडणवीस, उपमुख्यमंत्री एकनाथ शिंदे, प्रवीण दरेकर, प्रसाद लाड, रविंद्र चव्हाण आणि आशिष शेलार यांचे फोटो पाहायला मिळत आहेत. त्यासोबतच या बॅनरवर उद्धव ठाकरेंचाही एक फोटो पाहायला मिळत आहे.

दरम्यान, आगामी मुंबई महानगरपालिका निवडणुकीच्या दृष्टीने ही निवडणूक महत्त्वाची मानली जात होती. मात्र या निवडणुकीतील पराभवामुळे ठाकरे बंधूंना धक्का बसला आहे. या पराभवामुळे या पतपेढीवर ठाकरे गटाची गेली 9 वर्षे असणारी सत्ता संपुष्टात आली. BJP Poster On Uddhav Thackeray |

ठाकरे बंधूंसाठी BMC निवडणूक प्रतिष्ठेची

2017 च्या BMC निवडणुकीत शिवसेनेने 84, तर भाजपने 82 जागा जिंकल्या होत्या. सध्या BMC निवडणुका ऑक्टोबर-नोव्हेंबर 2025 मध्ये होण्याची शक्यता आहे, आणि प्रभाग रचना 227 वर कायम राहण्याची शक्यता आहे. ठाकरे बंधूंसाठी ही निवडणूक प्रतिष्ठेची आहे, कारण मुंबई ही शिवसेनेची पारंपरिक ताकद आहे. मात्र, बेस्ट निवडणुकीतील पराभवाने त्यांच्या रणनीतीवर प्रश्नचिन्ह निर्माण झाले आहे. BJP Poster On Uddhav Thackeray |

हेही वाचा: 

‘श्री गणेश करेंगे…’ म्हणत रशियन राजदूतांनी पत्रकार परिषदेची सुरुवात ; ‘सुदर्शन चक्र’ प्रकल्पासाठी दिले मदतीचे आश्वासन