Tamilisai Soundararajan। आंध्रप्रदेशचे मुख्यमंत्री चंद्राबाबू नायडू यांच्या शपथविधी दरम्यान घडलेल्या एका कृतीचा व्हिडीओ प्रचंड व्हायरल झाला. या व्हिडिओमध्ये केंद्रीय गृहमंत्री अमित शाह तामिळनाडूचे भाजपा नेते आणि तेलंगणाच्या माजी राज्यपाल तमिलिसाई सौंदरराजन यांच्याबरोबर रागाने बोलताना दिसले. अमित शाह अशाच पद्धतीने निर्मला सीतारमण यांच्याबरोबर बोलले असते का? असा सवाल समाज माध्यमातून विचारण्यात आला. या व्हिडिओतील अमित शाहांच्या रागामुळे त्यांच्यावर चौफेर टीका झाली. परंतु, याबाबत आता खुद्द तिमिलिसाई सुंदरराजन यांनी खुलासा केला आहे.

सुरू असलेल्या चर्चांना पूर्णविराम देण्याकरता… Tamilisai Soundararajan।

सुंदरराजन यांनी एक्स पोस्टमध्ये म्हटलं की, “काल, जेव्हा मी २०२४ च्या निवडणुकीनंतर आंध्र प्रदेशमध्ये आमचे माननीय गृहमंत्री अमित शाहांना भेटले, तेव्हा त्यांनी निवडणुकीनंतरच्या कृती आणि माझ्यासमोर असलेल्या आव्हानांबद्दल विचारले. त्यावर मी स्पष्टीकरण देत होते. वेळेच्या कमतरतेमुळे अत्यंत काळजीने राजकीय आणि मतदारसंघातील काम जोमाने पार पाडण्याचा सल्ला त्यांनी दिला, जो दिलासा देणारा होता. या व्हिडिओवरून सुरू असलेल्या चर्चांना पूर्णविराम देण्याकरता ही पोस्ट लिहिली आहे.”

नेमकं प्रकरण काय? Tamilisai Soundararajan।
बुधवारी तेलगू देसम पक्षाचे प्रमुख चंद्राबाबू नायडू यांनी आंध्रप्रदेशच्या मुख्यमंत्रीपदाची शपथ घेतली. या शपथविधी सोहळ्याला केंद्रीय गृहमंत्री अमित शाह यांच्यासह भाजपाचे वरिष्ठ नेते उपस्थित होते. या सोहळ्यादरम्यान अमित शाह माजी राज्यपाल तमिलिसाई सौंदरराजन यांच्यावर कथितरित्या संतापल्याचा एक व्हिडीओ सोशल मीडियावर प्रचंड व्हायरल झाला होता.

विशेष म्हणजे मागील काही दिवसापासून तमिलिसाई सौंदरराजन आणि तामिळनाडूचे राज्यप्रमुख अन्नामलाई यांच्या समर्थकांमध्ये वाद सुरू असल्याचे सांगितले जात असताना हा व्हिडीओ व्हायरल झाला. त्यामुळे सोशल मीडियावरही विविध चर्चांनाही उधाण आलं. दरम्यान, या व्हिडीओबाबत भाजपाकडून अद्याप कोणतीही प्रतिक्रिया आलेली नाही.

हेही वाचा
“जे अहंकारी होते, त्यांना प्रभू रामाने २४० वर अडवलं” ; संघाकडून भाजपावर खोचक टीका