T20 World Cup 2024 (IND vs AFG, Super-8) : भारतीय संघ टी-20 विश्वचषक 2024 च्या सुपर-8 मध्ये पोहोचला आहे. टॉपवर ग्रुप स्टेज पूर्ण केल्यानंतर, रोहित शर्मा आणि कंपनी आता वेस्ट इंडिजमध्ये पोहोचले आहेत आणि त्यानुसार रणनीती तयार करण्यास सुरुवात केली आहे. दरम्यान, स्टार अष्टपैलू रवींद्र जडेजाने भारतीय संघाच्या गोलंदाजीच्या लाईनअप बाबत खुलासा केला आहे.

भारतीय संघाच्या घोषणेवेळी सर्वांच्या मनात हा विचार नक्कीच आला असेल की, भारताने आपल्या स्क्वॉडमध्ये ज्यादा फिरकीपटूचा समावेश का केला असावा, तर आता यामागे भारत आपली छुपी रणनीती अवलंबणार आहे. रवींद्र जडेजाने स्टार स्पोर्ट्सवर बोलताना येथील खेळपट्ट्यांवर मैदानात उतरवल्या जाणाऱ्या गोलंदाजीच्या लाईन-अप बद्दल सांगितले आहे.

जडेजा म्हणाला की, “जेव्हा आम्ही वेस्ट इंडिजमध्ये खेळतो तेव्हा विकेट थोडी संथ आणि कोरडी असते. सामन्याची वेळही सकाळची असल्याने फिरकीपटूंना मदत मिळेल. भारतातही अशा अनेक विकेट्स आहेत जिथे फिरकीपटूंना मदत मिळते. त्यामुळे येथे मधल्या षटकांमध्ये फिरकीपटूंना मदत मिळेल ही चांगली गोष्ट आहे.”

T20 World Cup 2024 : सुपर 8 मध्ये भारताची पहिली लढत अफगाणिस्तानशी..! जाणून घ्या, कधी अन् कसा Free मध्ये पाहू शकता सामना…

डेथ ओव्हरमध्येही फिरकीपटूंचा वापर होणार?

भारतीय संघाच्या मोठ्या रणनीतीबाबत भारतीय अष्टपैलू खेळाडूने संकेत दिले आहेत. भारताचा पहिला सामना वेस्ट इंडिजमध्ये 20 जून रोजी अफगाणिस्तानविरुद्ध होणार आहे. तत्पूर्वी जडेजाने याचा खुलासा करताना म्हटले आहे की, “ डेथ ओव्हर्समध्येही फिरकीपटूंचा वापर होताना पाहायला मिळू शकते.”

टी20 विश्वचषकासाठी भारताचा पूर्ण संघ – रोहित शर्मा (कर्णधार), विराट कोहली, ऋषभ पंत (यष्टीरक्षक), सूर्यकुमार यादव, शिवम दुबे, हार्दिक पंड्या (उपकर्णधार), रवींद्र जडेजा, अक्षर पटेल, कुलदीप यादव, जसप्रीत बुमराह, अर्शदीप सिंग.