T20 World Cup 2024 : टी-20 विश्वकरंडकापूर्वी नेपाळ क्रिकेट संघाचा 23 वर्षीय लेग-स्पिन गोलंदाज संदीप लामिछाने याला न्यायालयाने बलात्कार प्रकरणात क्लीन चिट दिली आहे. विशेष म्हणजे या वर्षी जानेवारी महिन्यात संदीपला 8 वर्षांची शिक्षा सुनावण्यात आली होती.

आता कोर्टाने संदीपला क्लीन चिट दिल्याने तो २०२४ च्या टी-२० वर्ल्ड कपमध्ये नेपाळकडून खेळू शकणार आहे. नेपाळ क्रिकेट बोर्डाने 2024 च्या टी-20 विश्वकरंडक स्पर्धेसाठी संघाची घोषणा आधीच केली असली तरी, संघांना 25 मे पर्यंत बदल करण्याची परवानगी आहे.
संदीप लामिछेन नेपाळमधील सर्वात लोकप्रिय क्रिकेटपटूंपैकी एक आहे. त्याला ऑक्टोबर 2022 मध्ये 17 वर्षांच्या मुलीवर बलात्कार केल्याप्रकरणी अटक करण्यात आली होती.

संदीपवर याच वर्षी ऑगस्टमध्ये काठमांडूतील एका हॉटेलमध्ये मुलीवर बलात्कार केल्याचा आरोप होता. खटल्याची सुनावणी झाल्यानंतर डिसेंबरमध्ये न्यायाधीश शिशिर राज ढकल यांनी नेपाळी क्रिकेटपटूला बलात्काराच्या आरोपाखाली दोषी ठरवले होते. त्यावेळी 12 जानेवारी रोजी पठाण हायकोर्टाने 20 लाख रुपयांचा दंड आणि काही अटी घालून संदीपची जामिनावर सुटका केली होती. हा खटला बराच काळ चालला, परंतु 10 जानेवारी 2024 रोजी लामिछाने यांना 3 लाख रु पयांच्या दंडासह 8 वर्षांच्या कारावासाची शिक्षा सुनावण्यात आली.

याशिवाय पीडितेला दोन लाख रुपये वेगळे द्यावे लागले. संदीप लामिछाने यांच्या वतीने ज्येष्ठ वकील राम नारायण बिदरी, रमण श्रेष्ठ, शंभू थापा, मुरारी सपकोटा आणि कृष्णा सपकोटा यांनी न्यायालयात युक्तिवाद केला, त्यानंतर पठाण उच्च न्यायालयाने संदीपची निर्दोष मुक्तता केली.

IPL 2024 Playoffs Scenarios : प्लेऑफची शर्यत..! 2 जागा, 5 दिवस अन् 5 संघ; समजून घ्या, संपूर्ण समीकरण सोप्या भाषेत…

विश्‍वकरंडकात संधी मिळणार?

संदीपने नेपाळ क्रिकेट संघाकडून शेवटचा सामना नोव्हेंबर २०२३ मध्ये ओमानविरुद्ध खेळला होता. त्या सामन्याचा निकाल सुपर ओव्हरमधून आला, ज्यामध्ये ओमानचा विजय झाला. आता सर्व संघ टी-20 विश्वकरंडक 2024 च्या तयारीत व्यस्त आहेत. संदीपला 8 वर्षांच्या तुरुंगवासाची शिक्षा झाल्यामुळे त्याला विश्वकरंडक संघात स्थान देण्यात आले नाही. मात्र त्याच्या सुटकेनंतर नेपाळ आपल्या संघात बदल करून संदीपला १५ खेळाडूंमध्ये स्थान देऊ शकते, असा अंदाज आता व्यक्त केला जात आहे.