T20 World Cup 2024 (Lockie Ferguson) : न्यूझीलंडने पापुआ न्यु गिनीवरील विजयासह टी-20 विश्वचषकाची सांगता केली. न्यूझीलंड संघाचा अखेरचा सामना पापुआ न्यु गिनी विरुद्ध होता. पावसामुळे हा सामना उशिरा सुरू झाला. या सामन्यात न्यूझीलंड संघाच्या गोलंदाजांनी शानदार कामगिरी केली. पण वेगवान गोलंदाज लॉकी फर्ग्युसनने एक असा पराक्रम केला आहे जो आजपर्यंतच्या टी-20 विश्‍वकरंडक स्पर्धेच्या इतिहासात प्रथमच घडला.

न्यूझीलंडचा गोलंदाज लॉकी फर्ग्युसनने भेदक गोलंदाजी करत सर्वांनाच चकित केले. त्याने पापुआ न्यू गिनीविरुद्ध 4 षटके टाकली आणि यादरम्यान त्याने चारही षटके मेडन (निर्धाव) टाकली. फर्ग्युसनने आपल्या चार षटकांच्या स्पेलमध्ये एकही धाव दिली नाही. डावाच्या चौथ्या षटकात तो पहिल्यांदा गोलंदाजी करायला आला. यासह फर्ग्युसनने पहिल्याच चेंडूवर असद्दोला वाला याला बाद केले. यानंतर सहाव्या षटकातही गोलंदाजीदरम्यान त्याने एकही धाव दिली नाही. त्यानंतर तो डावाच्या 12 षटकांत तिसरे षटक टाकण्यासाठी आला आणि एकही धाव न देता एक बळी मिळवला. त्याच्या स्पेलच्या शेवटच्या षटकात त्याने दोन धावा दिल्या पण त्या लेग-बायच्या(अतिरिक्त) धावा होत्या. गोलंदाजाच्या खात्यात या लेग बायच्या धावा जोडल्या जात नाहीत. टी-20 विश्वचषकात ही कामगिरी करणारा तो पहिलाच गोलंदाज तर जगातील दुसरा गोलंदाज ठरला आहे.

4️⃣ OVERS 4️⃣ MAIDENS 🤯

Lockie Ferguson becomes the first bowler in Men’s #T20WorldCup history to bowl four maidens in a match 👏#NZvPNG | Read On ➡️ https://t.co/zOfpaMPB18 pic.twitter.com/zqE8ADZEt0

— T20 World Cup (@T20WorldCup) June 17, 2024

टी-20 विश्वचषकात 4 मेडेन षटके टाकण्याची ही पहिलीच वेळ आहे आणि टी-20 आंतरराष्ट्रीय क्रिकेटमध्ये दुसऱ्यांदा कोणत्याही गोलंदाजाने चारही षटके टाकून एकही धाव दिली नाही. कॅनडाचा कर्णधार साद बिन जफरने यापूर्वीही अशी कामगिरी केली आहे. 2021 मध्ये पनामा विरुद्धच्या सामन्यात सादने चारही षटके मेडन म्हणून टाकत 2 बळीही मिळवले होते. याआधी टी-20 विश्वचषकात किफायतशीर गोलंदाजी करण्याचा विक्रम न्यूझीलंडच्याच टीम साऊदीच्या नावावर होता. न्यूझीलंडच्या युगांडाविरुद्धच्या शेवटच्या सामन्यात त्याने 4 षटकात 4 धावा देऊन 3 बळी घेतले होते.

T20 World Cup 2024 : न्यूझीलंडने पापुआ-न्यू-गिनीचा 7 विकेट्सनी केला पराभव; विजयासह केला मोहिमेचा शेवट…

टी-२० विश्वचषकातील सर्वात कमी धावात बळी मिळवणारे गोलंदाज

3 विकेट  अन्  0 धावा – लॉकी फर्ग्युसन (न्यूझीलंड) वि पापुआ न्यु गिनी, त्रिनिदाद, 2024
3 विकेट अन् 4 धावा – टिम साउथी (न्यूझीलंड) विरुद्ध युगांडा, त्रिनिदाद, 2024
2 विकेट अन् 4 धावा – फ्रँक न्सुबुगा (युगांडा) वि पापुआ न्यु गिनी, गयाना, 2024
4 विकेट अन् 7 धावा – एनरिक नॉर्टजे (दक्षिण आफ्रिका) विरुद्ध श्रीलंका, न्यूयॉर्क, 2024
2 विकेट अन् 7 धावा – ट्रेंट बोल्ट (न्यूझीलंड) विरुद्ध युगांडा, त्रिनिदाद, 2024