Rahul Gandhi :  महाराष्ट्रातील शिक्षक पात्रता परीक्षा पेपरफुटी प्रकरणानंतर अखेर परीक्षा रद्द करण्याचा निर्णय घेण्यात आला. मात्र दोन आठवड्यानंतरही अद्याप परीक्षेची नवी तारीख जाहीर करण्यात आलेली नाही. यामुळे परीक्षा देणाऱ्या उमेदवारांच्या भवितव्याचा प्रश्न निर्माण झाला आहे.

यावरून आता काँग्रेस नेते आणि लोकसभेतील विरोधी पक्षनेते राहुल गांधी यांनी महाराष्ट्र सरकावर टीका केली आहे. तसेच चूक यंत्रणेची, मग त्याची शिक्षा प्रामाणिकपणे अभ्यास करणाऱ्या उमेदवारांना देणं हा न्याय नसल्याची प्रतिक्रिया त्यांनी दिली आहे.

राहुल गांधी यांनी समाजमाध्यम ‘एक्स’ (X) वर पोस्ट करत लिहिले की, “महाराष्ट्र TET चा पेपर लीक झाला, परीक्षा रद्द झाली. 6 लाख उमेदवार अडचणीत. दोन आठवडे झाले, तरी नवी तारीख जाहीर झालेली नाही.   (Rahul Gandhi)

महाराष्ट्र TET का पेपर लीक हुआ, परीक्षा रद्द हुई। 6 लाख अभ्यर्थी अधर में। दो हफ्ते हो गए, नई तारीख़ का कोई अता-पता नहीं।

लीक करने वाले आज़ाद, सिस्टम बेदाग़ और सज़ा भुगत रहा है वो जिसने ईमानदारी से मेहनत की।

ये देश के कार्यरत और होने वाले शिक्षक हैं जिनके हाथ में भारत का भविष्य…

— Rahul Gandhi (@RahulGandhi) July 14, 2026

लीक करणारे मोकाट, सिस्टम निर्दोष आणि ज्याने प्रामाणिकपणे मेहनत केली तो शिक्षा भोगत आहे. हे या देशाचे विद्यमान आणि भावी शिक्षक आहेत, ज्यांच्या हाती भारताचे भविष्य आहे. हे ते लोक आहेत ज्यांनी वर्षानुवर्षे तयारी केली, फॉर्म भरले, फी दिली, दूरदूरच्या केंद्रांवर गेले आणि आता फक्त वाट पाहत आहेत, बिना तारखेची, बिना उत्तराची,” अशी टीका त्यांनी केली.   (Rahul Gandhi)

राहुल गांधी यांनी पुढे तीन मागण्या करत लिहिले की, “१. TET ची नवी तारीख तात्काळ जाहीर करा, २. लीकसाठी जबाबदार असणाऱ्यांवर कारवाई व्हावी, उमेदवारांवर नाही, ३. भविष्याची शाश्वती : ज्यांचे वर्ष लीकमुळे वाया गेले, त्यांना वयाच्या मर्यादेत सूट द्या… यंत्रणेची चूक, आणि शिक्षा उमेदवाराला – हे न्याय नाही.” Rahul Gandhi

“येत्या 17 जुलैला देहरादूनमध्ये मी पेपर लीकच्या वाढत्या संकटावर आपल्याशी सविस्तर बोलणार आहे. आता शिक्षण क्रांतीचा काळ आला आहे, अशी व्यवस्था निर्माण करण्याचा ज्यात युवकांना यंत्रणेच्या नाकामीचे नव्हे, तर आपल्या मेहनतीचे फळ मिळेल,” असे देखील राहुल गांधी म्हणाले. Rahul Gandhi

हेही वाचा: 

Maharashtra Politics : राष्ट्रवादी काँग्रेस पक्ष फुटणार? बड्या राजकीय नेत्याच्या दाव्याने खळबळ