Deputy CM Pawan Kalyan  ।  तिरुपती  लाडू वादाच्या पार्श्वभूमीवर दक्षिण अभिनेता आणि आंध्र प्रदेशचे उपमुख्यमंत्री पवन कल्याण मंगळवारी तिरुमाला मंदिरात पोहोचले. मंदिराच्या पायऱ्या चढताना पवन कल्याणला श्वास घेण्यास त्रास झाला. यादरम्यानचा व्हिडिओही सोशल मीडियावर व्हायरल होत आहे. व्हिडिओमध्ये पवन कल्याण आणि त्याची टीम मंदिराच्या पायऱ्या चढताना दिसत आहे.

X वर शेअर केलेल्या व्हिडिओमध्ये (ट्विटरवर प्रथम) पवन कल्याण चालतांना अनेकदा ब्रेक घेताना दिसला. अभिनेता घामाने भिजलेला दिसत होता आणि त्याला श्वास घेणे कठीण होत होते. रिपोर्टनुसार अभिनेत्याला दमा आणि पाठदुखीचा त्रास आहे. आता हा व्हिडीओ पाहिल्यानंतर चाहत्यांना त्याच्या तब्येतीची काळजी वाटू लागली आहे.

 

. @PawanKalyan is suffering from Asthma and Back pain

Can’t see him like this ♥️😭 pic.twitter.com/mRq5i986Yx

— Pawanism™ (@santhu_msd7) October 1, 2024

 

Deputy CM Pawan Kalyan  ।पवन कल्याण 3500 पायऱ्या चढणार  
या व्हिडीओमध्ये पवन कल्याण आराम करायला बसला असून त्याच्या चेहऱ्यावर घाम आणि श्वास घेण्यास त्रास झाल्याचे स्पष्टपणे दिसत आहे. अनेक अडचणी असूनही पवन कल्याण पूर्ण निष्ठेने आपला प्रवास सुरू ठेवतो. पवन कल्याण मंगळवारी रात्री तिरुमला मंदिरात पोहोचला आणि रात्रभर प्रवास सुरू ठेवला. मंदिराच्या माथ्यावर जाण्यासाठी ३५०० हून अधिक पायऱ्या चढाव्या लागतात, ते पार केल्यावर भाविकांना मंदिरात जाता येते.

या व्हिडिओमध्ये पवन कल्याण अनवाणी चालताना दिसत आहे. आता तीन दिवसांच्या प्रवासात पवन कल्याण मंदिराच्या पायऱ्या अनवाणी चढणार आहेत. यादरम्यान त्याच्या टीमचे लोक त्याच्यासोबत देवाच्या नावाचा जयघोष करतांना  दिसत आहेत.

Deputy CM Pawan Kalyan  । पवन कल्याण हे तीन दिवसांच्या दौऱ्यावर  
पवन कल्याण यांनी आंध्र प्रदेशातील श्री व्यंकटेश्वर स्वामी मंदिराच्या (तिरुमला मंदिर) प्रसादामध्ये प्राण्यांची चरबी आढळल्याच्या मुद्द्यावरून मंदिराला भेट देण्याचा निर्णय घेतला. पवन कल्याण 1 ऑक्टोबरपासून तीन दिवस तिरुपती मंदिराच्या भेटीवर आहे.

हे वाचाल का ?हरियाणा निवडणुकीत वीरेंद्र सेहवागची एन्ट्री