ठोसेघर (प्रतिनिधी) – आपल्या गड किल्ल्यांचे संवर्धन स्वच्छता ही आपणच केली पाहिजे कोणत्याही गडावर सार्वजनिक ठिकाणी गेल्यावर कचरा न करता स्वच्छता ठेवली पाहिजे हा संदेश उजवण्यासाठी नागठाणे येथील आर्ट्स,

कॉमर्स अँड सायन्स कॉलेजच्या राष्ट्रीय सेवा योजना आणि राष्ट्रीय छात्र सेना यांच्या संयुक्त विद्यमाने केंद्र सरकारमार्फत आयोजित ‘माय भारत स्वच्छता ही सेवा’ ही सेवा या अभियाना अंतर्गत सज्जनगड येथे स्वच्छता आणि प्लास्टिक मुक्त अभियान राबविले.

हे अभियान केंद्र सरकारने १७ सप्टेंबर ते ०२ ऑक्टोबर या कालावधीमध्ये राबविण्यात येत आहे. शिबिराच्या प्रारंभी सातारा जिल्हा युवा अधिकारी स्वप्निल देशमुख यांनी शिबिरास शुभेच्छा संदेश दिला.

सज्जनगडावरील वाहनतळ बस स्थानक किल्ले सज्जनगड महाद्वार मार्गावरील पायऱ्या अंगलाई देवी मंदिर या पायऱ्या आणि गडावरील सर्व परिसरामध्ये विद्यार्थ्यांनी स्वच्छता करून प्लास्टिक तसेच प्लास्टिकच्या पाणी बॉटलचे संकलन केले.

यापूर्वी नागठाणे महाविद्यालयाने ‘माय भारत स्वच्छता ही सेवा’ या अभियानांतर्गत महाविद्यालयामध्ये तसेच सामाजिक स्तरावर स्वच्छतेवरती व्याख्याने, पोस्टर प्रदर्शन, स्मशानभूमी स्वच्छता हे उपक्रम देखील राबविले आहेत.

कुलकर्णी गुरुजींनी सज्जनगडाचे ऐतिहासिक महत्त्व आणि इतिहास सांगितला. प्र प्राचार्य कॅप्टन डॉ. महेश गायकवाड यांनी शिबिरार्थींनी केलेल्या कामाचे कौतुक करून गड किल्ले आणि पर्यावरणाच्या संवर्धनासाठी तरुणांनी एकत्र येऊन काम करणे गरजेचे आहे, असे मत व्यक्त केले.

शिबिरासाठी श्री रामदास स्वामी संस्थान, सज्जनगड आणि परळी ग्रामपंचायत यांचे सहकार्य लाभले. शिबिराचे नियोजन कार्यक्रम अधिकारी डॉ संदीप लोखंडे व डॉ सुनील पवार,

एन.सी.सी. ऑफिसर डॉ.गणेश गभाले, प्रा.जयमाला उथळे, प्रा. शितल सालवाडगी, प्रा. संतोष सोंडगे, प्रा. भालचंद्र बिचितकर आणि संतोष पवार (पी. आय) यांनी केले. शिबिरामध्ये 102 विद्यार्थी विद्यार्थिनींनी सहभाग नोंदवून शिबीर यशस्वीपणे पूर्ण केले.