Rohit Pawar Tweet|  पुणे जिल्हा मध्यवर्ती सहकारी बँकेच्या वेल्हा शाखेचे व्यवस्थापक विनायक ज्ञानोबा तलवडे यांना निलंबित करण्यात आल्याची माहिती समोर येत आहे. बारामती लोकसभेच्या निवडणुकीदरम्यान पहाटेपर्यंत ही बँक उघडी ठेवण्यात आली होती. याचा व्हिडिओ देखील सोशल मीडियावर व्हायरल झाला होता.

याप्रकरणी तेलवडे यांना निलंबित करून निवडणूक आयोगाच्या आदेशावरून गुन्हा दाखल करण्यात आला आहे. परंतु या सर्व प्रकरणावर शरद पवार गटाचे नेते रोहित पवार यांनी प्रतिक्रिया देत निलंबनाची कारवाई ही धूळफेक असल्याचे म्हंटले आहे.

रोहित पवार यांचे ट्विट

रोहित पवार यांनी ट्विट करत म्हटले की, “PDCC बँकेच्या वेल्हा शाखेतील मॅनेजरवर झालेली निलंबनाची कारवाई ही धूळफेक आहे. मध्यरात्री त्या शाखेत कोण कोण होते, कशासाठी होते, कुणाच्या सांगण्यावरून होते आणि काय व्यवहार झाले या सर्व गोष्टींची सखोल आणि निष्पक्ष चौकशी होऊन कायदेशीर कारवाई झाली पाहिजे.”

PDCC बँकेच्या वेल्हा शाखेतील मॅनेजरवर झालेली निलंबनाची कारवाई ही धूळफेक आहे… मध्यरात्री त्या शाखेत कोण कोण होते, कशासाठी होते, कुणाच्या सांगण्यावरून होते आणि काय व्यवहार झाले या सर्व गोष्टींची सखोल आणि निष्पक्ष चौकशी होऊन कायदेशीर कारवाई झाली पाहिजे… तसंच त्या रात्रीचं #CCTV… pic.twitter.com/Ud7cmamjHU

— Rohit Pawar (@RRPSpeaks) May 11, 2024

पुढे त्यांनी लिहिले, “त्या रात्रीचं CCTV फुटेज सार्वजनिक झालं पाहिजे. बारामती मतदारसंघातील निवडणुकीत गैरप्रकार करण्यासाठी या बँकेतून पैसा गेल्याचा आमचा आरोप असून तसे अनेक व्हिडिओ मी उघड केले आहेत. निवडणूक आयोगाने याची गंभीर दखल घ्यावी,” अशी विनंती देखील रोहित पवार यांनी केली आहे.

बँकेतून पैसे वाटप झाल्याचा आरोप  Rohit Pawar Tweet| 

दरम्यान, पीडीसीसी बँकेची वेल्हा शाखा रात्रीपर्यंत सुरु असल्याने राष्ट्रवादी शरदचंद्र पवार गटाकडून तक्रार करण्यात आली होती. या तक्रारीनंतर निवडणूक आयोगाने निलंबनाची कारवाई केली होती. रोहित पवारांनी मतदानाच्या आदल्या दिवशी ट्विटवर हा व्हिडिओ पोस्ट केला होता. तसेच बँकेतून पैसे वाटप केल्याचा आरोपही करण्यात आला होता.

हेही वाचा: 

‘सरफरोश’ चित्रपटाला 25 वर्ष पूर्ण; सुकन्या मोने यांनी शेअर केली खास पोस्ट