Suryakumar Yadav Sports Hernia Surgery : भारतीय टी-२० संघाचा कर्णधार सूर्यकुमार यादव सध्या जर्मनीत आहे. जर्मनीतील म्युनिख शहरात सूर्यकुमार यादवची स्पोर्ट्स हर्नियाची शस्त्रक्रिया यशस्वीपणे पार पडली आहे. याबाबत स्वत: सूर्याने इन्स्टावर पोस्ट करुन माहिती दिली आहे. तो आयपीएल २०२५ मध्ये मुंबई इंडियन्ससाठी सर्वाधिक धावा काढणारा फलंदाज ठरल होता. यानंतर तो टी-२० मुंबई लीगमध्येही खेळताना दिसला होता.

सूर्या मैदानावर कमबॅक करण्यासाठी उत्सुक –

३४ वर्षीय सूर्यकुमारने सोशल मीडियावर त्याचा फोटो शेअर केला आणि त्याच्या प्रकृतीबद्दल माहिती दिली. रोहित शर्मानंतर बीसीसीआयने त्याला टी-२० संघाची धुरा सोपवली आहे. शस्त्रक्रियेमुळे तो बांगलादेश दौऱ्यावर जाण्याची शक्यता कमी आहे. त्याला पूर्णपणे बरा होण्यासाठी ६ ते १२ आठवडे लागतील. पुढील वर्षी भारत आणि श्रीलंकेत होणाऱ्या २०२६ च्या टी-२० विश्वचषकात सूर्यकुमार यादव टीम इंडियाचे नेतृत्व करेल.

सूर्यकुमार यादवने शेअर केली इन्स्टा पोस्ट –

 

View this post on Instagram

 

A post shared by Surya Kumar Yadav (SKY) (@surya_14kumar)

सूर्यकुमार यादवने पोटाच्या उजव्या बाजूला असलेल्या स्पोर्ट्स हर्नियाची शस्त्रक्रिया करून घेतली आहे. सूर्याने आपल्या इन्स्टाग्रामवर एक फोटो शेअर करत याबाबत माहिती दिली. त्याने लिहिले, “जीवनातील अपडेट: पोटाच्या खालच्या उजव्या भागात स्पोर्ट्स हर्नियाची शस्त्रक्रिया झाली. मला आनंद आहे की शस्त्रक्रियेनंतर मी बरा होत आहे. लवकरच मैदानावर परतण्यासाठी उत्सुक आहे.”

हेही वाचा – ICC New Cricket Rules : आंतरराष्ट्रीय क्रिकेटमधील नवीन नियम जाहीर, कोणते आहेत? जाणून घ्या

सूर्या टी-२० संघासाठी महत्त्वाचा खेळाडू –

सूर्यकुमार यादव हा भारतीय क्रिकेट संघाचा एक महत्त्वाचा खेळाडू आहे. त्याने टी-२० क्रिकेटमध्ये अनेक शानदार खेळी केल्या आहेत. त्याचे चाहते त्याला लवकर बरे होण्यासाठी शुभेच्छा देत आहेत. भारतीय क्रिकेट संघ सध्या इंग्लंडमध्ये आहे. तेथे भारत आणि इंग्लंड यांच्यात ५ कसोटी सामन्यांची मालिका सुरू आहे. त्यानंतर संघ बांगलादेश दौऱ्यावर जाईल. बांगलादेशमध्ये एकदिवसीय आणि टी-२० मालिका खेळली जाईल. पहिला टी-२० सामना २६ ऑगस्ट रोजी आणि शेवटचा सामना ३१ ऑगस्ट रोजी होईल.