Shiv Sena Hearing : मोठी बातमी..! सुप्रीम कोर्ट शिवसेनेचे धनुष्यबाण चिन्ह गोठवणार?; सिब्बल यांच्या मागणीने खळबळ
Shiv Sena Hearing : शिवसेना पक्ष आणि अधिकृत निवडणूक चिन्ह 'धनुष्यबाण' कोणाचे, यावरून सर्वोच्च न्यायालयात सुरू असलेला कायदेशीर लढा आता अत्यंत निर्णायक टप्प्यात पोहोचला आहे.
Shiv Sena Hearing : शिवसेना पक्ष आणि ‘धनुष्यबाण’ निवडणूक चिन्हावरील अधिकाराच्या वादाची सर्वोच्च न्यायालयात सुनावणी सुरू आहे. ठाकरे गटाचे ज्येष्ठ विधिज्ञ कपिल सिब्बल यांनी सलग पाच दिवस न्यायालयात युक्तिवाद केला. त्यांच्या अंतिम युक्तिवादादरम्यान त्यांनी पक्षाची संघटनात्मक रचना, आमदारांची अपात्रता आणि विधिमंडळ पक्ष व राजकीय पक्षातील फरक यांसह विविध मुद्दे न्यायालयासमोर मांडले. (Shiv Sena Hearing)
विधानसभा अध्यक्षांनी या प्रकरणात घेतलेला निर्णय चुकीचा असल्यास सर्वोच्च न्यायालय त्यात हस्तक्षेप करून ठाकरे गटाला दिलासा देऊ शकते, असा युक्तिवाद सिब्बल यांनी केला. तसेच राजकीय पक्ष आणि विधिमंडळ पक्ष या दोन्ही संकल्पना वेगळ्या असल्याचे त्यांनी न्यायालयाच्या निदर्शनास आणून दिले. (Shiv Sena Hearing)
या प्रकरणातील अंतिम युक्तिवादात कपिल सिब्बल यांनी सर्वोच्च न्यायालयाकडे महत्त्वाची मागणी केली. शिवसेनेचे ‘धनुष्यबाण’ हे निवडणूक चिन्ह गोठवण्यात यावे, अशी मागणी त्यांनी केली. त्यामुळे या प्रकरणाला आता आणखी महत्त्व प्राप्त झाले आहे. (Shiv Sena Hearing)
Political News
शिवसेना पक्ष आणि धनुष्यबाण चिन्हावरून उद्धव ठाकरे आणि एकनाथ शिंदे गटामध्ये गेल्या काही वर्षांपासून कायदेशीर लढाई सुरू आहे. निवडणूक आयोगाने धनुष्यबाण चिन्ह शिंदे गटाला दिल्यानंतर ठाकरे गटाने सर्वोच्च न्यायालयात धाव घेतली होती. आता या प्रकरणातील सुनावणी अंतिम टप्प्यात पोहोचली असून, सर्वोच्च न्यायालयाच्या पुढील निर्णयाकडे दोन्ही गटांचे लक्ष लागले आहे. (Shiv Sena Hearing)
